سەرۆکی زانکۆ و خوێندكاران له كه‌شێكی وه‌رزشیدا
ئەمڕۆ دووشەممە 30-5-2022 پرۆفیسۆر د.ئالان فەرەیدون عه‌لی ئه‌مین سەرۆکی زانکۆی پۆلیتەکنیکی سلێمانی سەردانی کەمپسی کۆلێجە ته‌كنیكییه‌کانی زانكۆی کرد و لەلایەن پ.ی.د عطاء شێخ کریم راگری کۆلێجی ئەندازیاری و ژمارەیه‌ک لە مامۆستایان و فەرمانبەرانی کۆلێج پێشوازی لێکرا.
بەمەبەستی رەخساندنی کەشێکی وەرزشی لەگەڵ خوێندکاراندا، سه‌رۆكی زانكۆ بەشداریکرد لە ئەنجامدانی یاری تۆپی سەر مێز و شەترەنج لە کافتریای کەمپسی کۆلێجەکان، كه له‌سه‌ر فەرمانی به‌ڕێزیان و بەسەرپەرشتی و چاودێری ڕاگری کۆلێجی ئەندازیاری، یاری تۆپی سەر مێز و شەترەنج لە کافتریای کۆلێج بۆ خوێندکاران دابینکراوه تاكو خوێندكاران کاتێکی خۆش و كه‌شێكی وه‌رزشی به‌سه‌رببه‌ن.
سەرۆکی زانکۆ وتی: لەسەر داوای خوێندکاران و راگرایەتی کۆلێجی ئەندازیاری لە کەمپی کۆلێجە تەکنیکییەکانی زانکۆی پۆلیتەکنیکی سلێمانی له چوارچرا، پێداویستی یاری مێزی تێنس و شترنج و هەندێك یاری دیکەمان دابینكردووه بۆ خوێندکارانمان كه بە ڕای ئێمە له‌گه‌ڵ پرۆسه‌ی خوێندندا گەشەکردنی چالاکی وەرزشی پێویسته و ژینکەی زانکۆیی گرنگە بۆ گەشەکردنی پرۆسەی خوێندن و پەیوەندی خوێندکاران لە ناو خۆیاندا.
دواتر سەرۆکی زانکۆ کۆلێجی تەکنیکی ئینفۆرماتیکی بەسەرکردەوە کە ھەر دەکەوێتە کەمپسی کۆلێجە ته‌كنیكییه‌کانی زانكۆ لە چواچرا.
This shortcode LP Profile only use on the page Profile
