بەشی تەکنیکی میدیا بووە پاڵەوانی خولی فوتسالی خزمەتی خوێندکاران
ئەمڕۆ دووشەممە ڕێکەوتی 16-5-2022 بەئامادەبوونی پ.د. ئالان فەریدون عەلی ئەمین سەرۆکی زانکۆی پۆلیتەکنیکی سلێمانی و ژماریەک لە ڕاگر و مامۆستایان و خوێندکاران یاری کۆتایی خولی فوتسالی خوێندکاران لەنێوان خوێندکارانی بەشی (کارگێڕی ×میدیا) ئەنجامدرا.
لەگەڵ بونی کەشێکی خۆڵاوی تەپوتۆز بەڵام ئامادەبوونی سەرۆکی زانکۆ و مامۆستایان ژمارەیەکی زۆر لەهاندەران و کۆمێنتاری دیار ( بێستون تاوگۆزی ) یارییەکی پڕ لەچێژ لەنێوان هەردوو تیپ ئەنجامدرا.
هەردوو تیپ بە بەئامادەیەکی باشەوە هاتنە ناویاریگا و یارییەکە چەندین هەلی گۆڵی ناوازەی تیایدا ئەنجامدرا، لە ئاکامدا بەشی تەکنیکی میدیا توانی یارییەکە لەبەرژەوەندی خۆی کۆتایی پێ بێنێت بەئەنجامی (5-1) بەسەر بەشی کارگێڕی سەرکەوێت.
لەدوای کۆتایی هاتنی یاریەکە سەرۆکی زانکۆ و ژمارەیەک لە مامۆستایان خەڵاتیان بەسەر یاریزانان و دادوەرو سەرپەرشتیارانی خولەکەدا دابەشکرد, یاریزانانیش بە وێنە یادگاری و ئاهەنگ و چەپڵەڕێزانی هاندەران کۆتاییان بە یاری و چالاکییە وەرزشییەکە هێنا.
شایەنی باسە ساڵانە بەئامانجی ڕەخساندنی کەشێکی وەرزشی و ڕەوینەوەی فشارەکانی خوێندن و تاقیکردنەوەکان بەچاودێری سەرۆکی زانکۆ خولی فوتسال بۆ خوێندکارانی زانکۆی پۆلیتەکنیکی سلێمانی دەکرێتەوە.
