وۆرکشۆپێک بەناونیشانی (دۆخی ئێستا و دواڕۆژی پلانسازی شار) بەڕێوەچوو
لەدرێژەی کارو چالاکییە زانستییەکانی زانکۆی پۆلیتەکنیکی سلێمانی، کۆلێجی تەکنیکی ئەندازیاری وۆرکشۆپێکی زانستی بەناونیشانی(دۆخی ئێستا و دواڕۆژی پلانسازی شار) بەڕێوەبرد .
سەرلەبەیانی ئەمڕۆ پێنجشەمە ١٢-٥-٢٠٢٢ بەمەبەستی بەرچاوڕوونی و ناساندنی بەربەستەکانی بەردەم بەشی پلانسازی شار وۆرکشۆپێک بە ناونیشانی (دۆخی ئێستا و دواڕۆژی پلانسازی شار) لەلایەن زانکۆی پۆلیتەکنیکی سلێمانی کۆلێجی تەکنیکی ئەندازیاری / بەشی پلانسازی شار بۆ خوێندکاران و دەرچووانی بەشەکە لە هۆڵی سیمیناری کەمپی کۆلێجە تەکنیکیەکانی چوارچرا ڕێکخرا.
وۆرکشۆپەکە بەئامادەبوونی (پ.ی.د عطاء شێخ کریم) ڕاگری کۆلێجی تەکنیکی ئەندازیاری و سەرۆکی بەشی پلانسازی شار و ژمارەیەکی زۆر لە خوێندکاران و مامۆستایان بەڕێوەچوو.
لە وۆرکشۆپەکەدا راگری کۆلێج ووتەیەکی پێشکەشکرد و تێیدا زۆر سوپاسی خوێندکاران و ڕێکخەرانی وۆرکشۆپەکەی کرد و پشتگیری و پشتیوانی خۆیان و سەرۆکی زانکۆی پێ ڕاگەیاندن و ئاماژەی بەوەدا بەردەوام دەبن لە کارو چالاکی نوێ بۆ خزمەتکردنی خوێندکاران و زانست و زانیاری نوێ.
ئەو بابەتانەی لە وۆرکشۆپەکەدا پێشکەش کران:
1. پ.د. ھۆشیار قادر – سەرۆك بەشی ئەندازیاری پلانسازی شار بابەتێکی بە ناونیشانی (مێژووی دامەزراندنی بەشی پلانسازی شار) پێشکەش کرد.
2.بەڕێز أحمد طه أحمد – خوێندكاری قۆناغی دووەم بابەتێکی بەناونیشانی (ئامانج و كارەكانی بەشی پلانسازی شار)پێشکەش کرد.
3.ئـالان خـالید شریف – خوێندكاری قۆناغی چوارەم بابەتێکی لەبارەی ئەزموونی قۆناغی یەكەم و دووەمی خۆی پێشکەش کرد.
4. نەھلا جەمال عبدالله – خوێندكاری قۆناغی چوارەم بابەتێکی لەبارەی ئەزموونی قۆناغی سێیەم و چوارەمی خۆی پێشکەش کرد.
5. هەریەک لە (نوا عبدالله عارف -مەروە بەختیار ڕەسوڵ) خوێندکار لە بەشی ئەندازیاری پلانسازی شار بابەتێکیان لەبارەی (ئەزموونی دوای دەرچوون و ھەلی كار )پێشکەش کرد.
6 م.ژیر فؤاد محمد بابەتێکی لەبارەی بڵاوكردنەوەی پڕۆژەی SPU Bike Sharing Project پێشکەش کرد.
7 پ. د. ھۆشیار قادر مصطفى بابەتێکی لەبارەی
15 minutes cities پێشکەش کرد.
بە گفتوگۆیەکی چڕوپڕ و زانستیانە لە نێوان ئامادەبووان و پێشکەشکاران وۆرکشۆپەکە کۆتایی هات.
This shortcode LP Profile only use on the page Profile
