زانکۆی پۆلیتەکنیکی سلێمانی ئەنجامدانی چالاکی (2022.Univ.Expo) ڕادەگەیەنێت
ئەمڕۆ شەممە 1-5-2022 بەچاودێری پرفیسۆر دکتۆر ئالان فەرەیدون عەلی ئەمین سەرۆکی زانکۆی پۆلیتەکنیکی سلێمانی و بەهەوڵ و ماندوبوونی ڕاگر و مامۆستایان و خوێندکارانی کۆلێجی ئەندازیاری و کۆلێجی ئینفۆرماتیک, زانکۆی پۆلیتەکنیکی سلێمانی چالاكی (2022.Univ.Expo) له ڕێگای كۆلێجی ته‌كنیكی ئه‌ندازیاری و کۆلێجی تەکنیکی ئینفۆرماتیکه‌وه ڕاده‌گه‌یه‌نێت كه تایبه‌ته به خستنەرووی تواناكانی خوێندكارانی به‌شه ئه‌ندازیارییه‌كان و کۆمپیتەرییەکان له سه‌رجه‌م زانكۆ گشتی و تایبه‌ته‌كانی هه‌رێمی كوردستانی عێراق به‌بێ جیاوازی.
بەم بۆنەیەوە ڕاگری کۆلێجی ئەندازیاری پ.ی.د.عطاء شێخ کریم زۆر سوپاسی سەرۆکی زانکۆی پۆلیتەکنیکی دەکات کە بەردەوام گرنگیداوە بەئەنجامدانی چالاکی زانستی و بەرەوپێشچوونی ئاستی زانستی زانکۆی پۆلیتەکنیکی سلێمانی و خزمەتکردنی زیاتری خوێندکارانی زانکۆ.
بڕیارە ڕۆژی 12-6-2022 چالاکییەکە بەڕێوەبچێت, ئامانج لە ئەنجامدانی چالاکییەکەش هاندانێکە بۆ به‌بازاڕكردنی پرۆژه سه‌ركه‌وتووه‌كان و دۆزینه‌وه‌ی هه‌لی كار بۆ خوێندكارانی بەشە ئه‌ندازیاری و کۆمپیتەرییەکان له ڕێگای ئاماده‌بوونی كه‌رتی گشتی و تایبه‌ت.
لێره‌وه داوا له‌سه‌رجه‌م زانكۆكان و خوێندكارانی به‌شه ئه‌ندازیاری و کۆمپیتەرییەکانی هه‌رێمی كوردستان ده‌كه‌ین كه به‌شداربن له چالاكی (2022.Univ.Expo) به‌پێی ئه‌و مه‌رجانه‌ی كه له به‌شی (Terms of Submission) داندراوه, خوێندكارانی به‌شه ئه‌ندازیاری و کۆمپیتەرییەکان (به‌شێوه‌ی گرووپ یان كه‌سی) به‌پێی پسپۆری داواكراو ده‌توانن بیرۆكه و پوخته‌یه‌ك له پرۆژه‌كانیان پێشكه‌ش بكه‌ن له ڕێگای بەستەری (Registration) وه دواتر پرۆژه په‌سه‌ندكراوه‌كان كه پێشتر ئاگادار ده‌كرێنه‌وه ده‌چنه كێبڕكێوه له ڕۆژی ئه‌نجامدانی (2022.Univ.Expo) دا.
This shortcode LP Profile only use on the page Profile
