رێزلێنان بەخشرایە مامۆستایانی وانە پراکتیکییەکان
رۆژی دووشەممە (٢٠٢٢/٤/٢٥) راگرایەتی کۆلێجی تەکنیکی تەندروستی و پزیشکی سەر بەزانکۆی پۆلیتەکنیکی سلێمانی، رێزلێنانی بەخشییە ژمارەیەک لە مامۆستایانی وانە پراکتیکییەکانی بەشی پەرستاری کە لەماوەی رابردوودا دڵسۆزانە هەستابوون بە ئەنجامدانی چەند خولێکی فێرکاری پزیشکی و وۆرکشۆپی زانستی و پزیشکی بەشێوەی پراکتیکی بۆ خوێندکارانی بەشی پەرستاری کۆلێج.
مامۆستایان چەندین زانیاری بەسوودو سەردەمیانەیان گەیاندە خوێندکارەکان بەشێوەیەک رایانهێنان کە بتوانن سەرجەم ئەو کارە زانستییانەی لە خول و وۆرکشۆپەکەدا لەسەری راهێندرابوون سوودی لێوەربگرن بۆ ناوەندە تەندروستییەکان، تاوەکو لەداهاتوودا لە خزمەتی نەخۆشەکاندا ئەو زانیاریانە بەکاربهێنن.
سەرۆکایەتی زانکۆ و راگرایەتی کۆلێجی تەکنیکی تەندروستی و پزیشکی دەستخۆشی ئاڕاستەی ئەو مامۆستا بەڕێزو ماندوونەناسانە دەکەن، بەڵێن و پشتیوانیی دووپاتدەکەنەوە بۆ ئەنجامدانی هەر کارێکی زانستی کە خزمەت بە رەوشی تەندروستی بکات.
This shortcode LP Profile only use on the page Profile
