خوێندکارانی زانکۆی پۆلیتەکنیکی سلێمانی توانیان پلەی یەکەم و دووەمی پێشبڕکێیەکی نێودەوڵەتی بەدەست بهێنن

ئەم چالاکییە زانستییە لەلایەن رێکخراوی five one la و بە پاڵپشتی رێکخراوی GIZ ی ئەڵمانییەوە ئەنجامدرا ، کە (13) پرۆژە تیایدا بەشداربوون، بە درێژایى چوار مانگ چەندین وۆرکشۆپ وخولی چڕ، لە زانکۆکانی پۆلیتەکنیکى سلێمانى، زانکۆی کۆمار، زانکۆی گەشەپێدانی مرۆیی و زانکۆى جیهان بەڕێوەچوو .

بەئامادەبوونی پ.ی.د.حەکیم عوسمان راگری کۆلێجی ته‌كنیكی كارگێڕی و پ.ی.د.کاروان عەلی سەرۆکی بەشی پەیوەندییە گشتییەکان و بازاڕگەری و م.تەحسین عەلی محمد سەرۆکی بەشی تەکنەلۆجیای داتابەیس لەکۆلێجی تەکنیکی ئینفۆرماتیک و نوێنەری ڕێکخراوی GIZ ئەڵمانی لە عێراق ،خوێندکارانی بەشی تەکنەلۆجیای داتابەیس و بەشی تۆڕەکانی کۆمپیوتەر و خوێندکارانی بەشی پەیوەندییە گشتییەکان و بازاڕگەری کۆلێجی تەکنیکی کارگێڕی و زانکۆی پۆلیتەکنیکی سلێمانی، لە پرۆگرامێکی نیودەوڵەتیدا توانیان پلەى یەکەم و دووەم بەدەستبهێنن. لەم پرۆگرامەدا بە دوو قۆناغ خوێندکاران هەڵبژێردران، لە قۆناغی یەکەمدا بیرۆکە سەرکەوتووەکان هەڵبژێردران و پاشان بۆ ماوەی ٤ مانگ ڕاهێنان بە خوێندکارەکان کراوە لەسەر چۆنێتی ئەنجامدان و دامەزراندنی کارو بزنسی تایبه‌ت به‌خۆیان.

 

،