قەیرانە داراییەكانی هەرێمی كوردستان لە ساڵی داهاتوودا دەخرێنەڕوو
سیمینارێك لەژێر ناونیشانی “قەیرانە داراییەكانی حكومەتی هەرێمی كوردستان” لەلایەن د.عزت سابر ئەندامی پەرلەمانی كوردستان، لە هۆڵی سیمیناری كەمپی كۆلێجە تەكنیكییەكانی سەر بە زانكۆی پۆلیتەكنیكی سلێمانی پێشكەش دەكرێت و زانكۆی پۆلیتەكنیكیش پلانی هەیە لە ئایندەدا چەندین دیبەیت لە بواری ئابووری و كێشەكانی دارایی و نەوت و كارەبا ئەنجام بدات.
ئەمڕۆ یەكشەممە 20/12/2015، بەئامادەبوونی د.ئالان فەرەیدون سەرۆكی زانكۆی پۆلیتەكنیكی سلێمانی و د.حەكیم عوسمان راگری كەمپی كۆلێجە تەكنیكییەكان و ژمارەیەك لە پەرلەمانتارانی كوردستان و مامۆستا و فەرمانبەر و خوێندكاران و دەزگاكانی راگەیاندن سیمینارێك لەلایەن د.عزت سابر ئەندامی پەرلەمانی كوردستان لە هۆڵی سیمیناری كەمپی كۆلێجە تەكنیكییەكانی سلێمانی پێشكەشكرا. پەرلەمانتار د.عزت سابر لە سیمینارەكەدا چەندین داتا و زانیاری نوێی سەبارەت بە باری دارایی هەرێمی كوردستان و كێشەكانی كارەبا و دارایی و ئەو قەیرانانەی كە بۆ ساڵی 2016 ڕوو لە هەرێم دەكەن خستەڕوو.
ش . ج
