بڕێکی زۆر خۆراک بەسەر خوێندکارانی بەشەناوخۆییەکان دابەشکرا
لەدرێژەی کارو چالاکی و خزمەتە بەردەوامەکانی خوێندکارانی زانکۆماندا، ئەمڕۆ ٢٠٢٢/٤/٩ بەچاودێری پ.د.ئالان فەرەیدون عەلی ئەمین سەرۆکی زانکۆی پۆلیتەکنیکی سلێمانی و بەئامادەبوونی نوێنەرانی خوێندکارانی بەشەناوخۆییەکانی زانکۆ، بڕێکی زۆر خۆراک کە لەلایەن ( شەریف سەفرەیی ) خاوەنی کۆمپانیای سەفرە دابینکراوە بەسەر خوێندکارانی بەشەناوخۆییەکانی کەمپسی کۆلێجە تەکنیکییەکان و پەیمانگای تەکنیکی دوکاندا دابەشکرا.
بری خۆراکەکەش بریتی بوو لە ( یەک تۆن و نيو برنج، ٧٥٠ کیلۆگرام دۆشاوی تەماتە، ٢١٨ هەزارو ٧٠٠ لیتر زەیت، ٢٤٣ کیلۆگرام پسکیت و شیرینی و ١٢١ کیلۆگرام چای وشک ).
سەرۆکایەتی زانکۆی پۆلیتەکنیکی سلێمانی و سوپاس و دەستخۆشی ئاڕاستەی خاوەنی کۆمپانیای سەفرە دەکات و ئومێدەوارە نموونەیان زۆر بێت و سەرکەوتووبن، هەروەها سوپاسی سەرپەرشتیاری بەشەناوخۆییەکانی کەمپسی کۆلێجە تەکنیکییەکان دەکات کە ئەرکیان کێشاو ماندووبوون، لەگەڵ هەموو ئەو کەسانەشی هاوکاربوون.
This shortcode LP Profile only use on the page Profile
