لە ڕۆژی جیهانی ووزەدا وۆرکشۆپێک لە كۆلێجى ته‌كنیكی ئەندازيارى بەڕێوەچوو

لە ڕۆژی جیهانی ووزەدا، کۆلێجی تەکنیکی ئەندازیاری بەشی نەوت و وزە له‌ زانکۆی پۆلیتەکنیکی سلێمانی بە هاوبەشی سەنتەری توێژینەوەی زانکۆ ۆوركشۆپێكیان بە ناونیشانی ‌(The influence of sustainable energy solutions)به‌ڕێوه‌برد .

سەرلەبەیانی ئەمڕۆ سێشەممە 5-4-2022 ناوەندی (CDC) له‌کەمپی کۆلێجە تەکنیکییەکانی چوارچرا و به‌ئاماده‌بوونی  (پ.ی.د.عطاء شێخ کریم)ڕاگری کۆلێجی ته‌كنیكی ئه‌ندازیاری و (د. علی محمد) لێپرسراوی سەنتەری توێژینەوەی زانکۆی پۆلیتەکنیکی سلێمانی و سەرۆکی بەشی ئەندازیاری نەوت و ووزە و ژماره‌یه‌ك له‌ مامۆستایانوۆرکشۆپێکی زانستی ڕێكخرا.

ئامانج لە بەڕێوبردنی وۆرکشۆپەکە لەم ڕۆژەدا گرنگیدان بوو بە شێوازەکانی پارستنی ووزە لە جیهاندا، هەروەها شێوازی بەکارهێنانی سەرچاوەکانی ووزە لە هەرێمی کوردستان و لە بەشێکی زۆر لە وڵاتانی جیهاندا.

لە وۆركشۆپەكەدا سێ بابەت پێشكەشكران:

1-  لە لايەن د.دیار عمر کاکە لە بەشی ئەندازیاری نەوت و ووزە بە ناونیشانی (The economic impact energy sources in kurdistan regin) بابه‌تێك پێشكەشكرا.

2-  لە لايەن مامۆستا کارزان قادر محمد لە بەشی ئەندازیاری توانای کارەبای بە ناونیشانی The impact of distributed generation power system) بابه‌تێك پێشكەشكرا.

3-  لە لايەن مامۆستا شادمان شوکری سعید ئەندازیار لە بەڕێوبەرایەتی کارەبای سلێمانی بە ناونیشانی The role of renewable energy in kurdstan as a source of electricity generation) بابه‌تێك پێشکەشکرا.

لە كۆتاييدا پێشكەشكارانى وۆركشۆپەكە وەڵامى بەشێكى زۆر لە پرسيارەكانى ئامادەبووانيان دايەوە و بە گفتوگۆيەكى زانستى و پڕ زانيارى وۆركشۆپەكە كۆتايى پێهات.