ئێوارەخوانێک بۆ نزیکەی ١٠٠٠ خوێندکاری زانکۆ رێکخرا

ئێوارەی ئەمڕۆ ٢٠٢٢/٤/٤ کە هاوکاتە لەگەڵ ساڵیادی دامەزراندنی زانکۆمان، لەسەر ئەرکی سەرۆکایەتی زانکۆی پۆلیتەکنیکی سلێمانی و بەئامادەبوونی پرۆفیسۆر د.ئالان فەرەیدون عەلی ئەمین سەرۆکی زانکۆ، ئێوارەخوانێک بۆ نزیکەی ١٠٠٠ خوێندکاری بەشەناوخۆییەکان لە کەمپی کۆلێجە تەکنیکییەکانی زانکۆ لە چوارچرا رێکخرا. لە وتەیەکدا پ.د.ئالان فەرەیدون وتی: زۆر خۆشحاڵم لەگەڵ خوێندکارانی ئازیزمان ئەم بەربانگی ئێوارەیەمان کردەوە و بەشداربووین بۆیە هەر لێرەوە داوا لە دڵسۆزانی خوێندکاران و خێرخوازان دەکەم کە بەشداربن لە هەڵمەتی دابینکردنی خواردنی بەربانگ بۆ خوێندکارانی زانکۆمان، کە ئەم مانگە مانگی بەخشندەیی و چاکەکردنە، خوای گەورە لە هەموو لایەکی قبوڵ بکات.