سەرۆکی زانکۆ پیرۆزبایی لە سەرۆکی نوێی شارەوانی سلێمانی دەکات
بەمەبەستی گەیاندنی پەیامی پیرۆزبایی بەسەرۆکی نوێی شارەوانی سلێمانی، سەرۆکی زانکۆی پۆلیتەکنیکی سلێمانی چەپکە گوڵی پیرۆزبایی پێشکەش بە لەیلا عمر کرد.
ئەمڕۆ چوارشەممە 16ی شوباتی 2022 پ.د.ئالان فەرەیدون عەلی ئەمین سەرۆکی زانکۆی پۆلیتەکنیکی سلێمانی بەیاوەری یاریدەدەرانی سەرۆکی زانکۆ بۆ کاروباری کارگێڕی و زانستی، سەردانی سەرۆکایەتی شارەوانی سلێمانی کردو لەلایەن لەیلا عمر سەرۆکی نوێی شارەوانی سلێمانیەوە بەگەرمی پێشوازیکران.
سەرۆکی زانکۆ پیرۆزبایی دەستبەکاربوونی لەیەکەمین ژن وەک سەرۆکی شارەوانی سلێمانی کردو هیوای سەرکەوتنی بۆ خواست، هەروەها هەموو پشتیوانییەکی زانکۆی پۆلیتەکنیکی سلێمانی بۆ دەربڕی و ڕایگەیاند وەک زانکۆیەکی تەکنیکی لەپارێزگای سلێمانیدا کە چەندین بەشی زانستییان هەیەو دەتوانن خزمەت پێشکەش بەپرۆژەکانی شارەوانی بگەیەنن بەتایبەت لەڕووی ئەندازیاری و کشتوکاڵی و کارگێڕییەوە.
لەبەرامبەردا لەیلا عمر زۆر سوپاسی سەرۆکی زانکۆی پۆلیتەکنیکی سلێمانی و یاریدەدەرانیکرد بۆ پیرۆزبایی و سەردانەکە، خۆشحاڵی خۆی دەربڕی کە لەداهاتوودا بتوانن هەماهەنگی بکەن لەگەڵ زانکۆی پۆلیتەکنیکی سلێمانیدا بۆ ئەنجامدانی کاری هاوبەش و کردنەوەی خولی تایبەت بەفەرمانبەرانی شارەوانی سلێمانی، دوپاتیکردەوە کەپێویستە لەسەر هەموولایەک خزمەتی شاری سلێمانی بکەین بەبێ جیاوازی و سیمای پایتەختی ڕۆشنبیری جوانترو ڕازاوەتر بکەین. دڵخۆشی خۆی دەربڕی بە پشتیوانییە فراوانەکانی دام و دەزگاکانی ناوشاری سلێمانی بۆیان کە هاندەرێکی بەهێزدەبێت بۆ زیاتر پێشکەشکردنی خزمەتگوزارییەکانی شارەوانی بۆ خەڵکی خۆشەویستی سنوری پارێزگای سلێمانی.
This shortcode LP Profile only use on the page Profile
