سیمپۆزیۆمێکی زانستی بەناونیشانی (رۆڵی ناوەندە ئەکادیمی و تەندروستییەکان لە ووشیارکردنەوەی تووشبووانی شێرپەنجە)بەڕێوەچوو

رۆژی چوار شەممە (٢٠٢٢/٢/٩) لە هۆڵێ سیمیناری کەمپی کۆلیجە تەکنیکییەکانی زانکۆی پۆلیتەکنیکی سلێمانی، کۆلێجی تەکنیکی تەندروستی و پزیشکی سەر بە زانکۆی پۆلیتەکنیکی سلێمانی بە هەماهەنگی سەنتەری توێژینەوەی زانکۆی پۆلیتەکنیکی سلێمانی و رێکخراوی (چارشا) بۆ ووشیاری هاوڵاتیان، بەئامادەبوونی ژمارەیەکی زۆر لە ئەکادیمیستان و مامۆستایان، سیمپۆزیۆمێکی زانستی بەناونیشانی (رۆڵێ ناوەندە ئەکادیمی و تەندروستییەکان لە وشیار کردنەوەی تووشبووانی شێرپەنجە)ی رێکخست. سەرەتای مەراسیمەکە بە دەقیقەیەک وەستان بۆ گیانی پاکی شەهیدان دەستیپێکرد، پاشان تەوەرەکانی سیمپۆزیەمەکە لەلایەن هەریەک لە (پ.ی.د.نجم الدین صالح-پسپۆری نەخۆشییە شێرپەنجەییەکانی خوێن، پ.ی.د.فضل الدين نصرالدين-پسپۆری نەشتەرگەری گشتی، د.اسراء کمال شاه-پسپۆری خۆراک و قەڵەوی و لاوازی، د.عبداللە احمد حەمە-ئەکادیمیست و مامۆستای زانکۆ) پێشکەش کران. هەریەک لە پزیشکان و پسپۆرانی بەشداربوو کۆمەڵێک زانیاری و داتای پەیوەست بە نەخۆشی شێرپەنجەیان خستەڕوو، پاشان ئامادەبووان بە گفتووگۆو پرسیارەکانیان سیمپۆزیۆمەکەیان دەوڵەمەندترکرد و سەرجەم ئامادەبووانیش خۆشحاڵی خۆیان بە رێکخستنی ئەم جۆرە چالاکییە زانستییانە دەربڕی چونکە سوودی گشتی تیادایەو توانا زانستییەکان یەک دەخرێن بۆ خزمەتی کۆمەڵگە.