گفتوگۆیه‌كی كراوه له‌نێوان ئه‌ندامانی ئه‌نجومه‌نی زانكۆی پۆلیته‌كنیكی سلێمانی و زانكۆی ته‌كنیكی فوراتی ئه‌وسه‌ت به‌ڕێوه‌چوو
له چوارچێوه‌ی وۆركشۆپی هاوبه‌شی نێوان زانكۆی پۆلیته‌كنیكی سلێمانی و زانكۆی ته‌كنیكی فوراتی ئه‌وسه‌ت گفتوگۆیه‌كی كراوه له‌نێوان ئه‌ندامانی ئه‌نجومه‌نی هه‌ردوو زانكۆ به‌ڕێوه‌چوو بۆ تاوتوێكردنی په‌یوه‌ندییه‌كانی هه‌ردوولا به ئاراسته‌ی دانانی پلان و به‌رنامه‌ی تۆكمه بۆ خوێندنی ته‌كنیكی و پته‌وكردنی په‌یوه‌ندییه زانستییه‌كان و ئه‌نجامدانی چالاكی زیاتر له‌نێوان هه‌ردولا.
له‌په‌راوێزی وۆركشۆپه‌كه‌دا هه‌ردوو سه‌رۆكی زانكۆی پۆلیته‌كنیكی سلێمانی و زانكۆی ته‌كنیكی فوراتی ئه‌وسه‌ت یاداشتێكی لێكگه‌یشتنیان واژۆ كرد به‌و ئامانجه‌ی كاری زیاتری پێكه‌وه‌یی ئه‌نجام بده‌ن و سوود له‌تواناكانی یه‌كتر وه‌ربگرن، هه‌روه‌ها پ.د. ئالان فه‌ره‌یدون عه‌لی ئه‌مین سه‌رۆكی زانكۆی پۆلیته‌كنیكی سلێمانی و د. مظفر صادق الزهيري سه‌رۆكی زانكۆی ته‌كنیكی فوراتی ئه‌وسه‌ت دیاری تایبه‌تیان به‌یه‌كدی به‌خشی.
له درێژه‌ی وۆركشۆپه‌كه‌دا ڕاسپارده‌و ئاماده‌كردنی لاپه‌ڕه‌ی كاری هاوبه‌ش له‌نێوان هه‌ردوو زانكۆدا ئاماده‌كرا.
This shortcode LP Profile only use on the page Profile
