دوو بینای نوێ لەكه‌مپی كۆلیجه‌ته‌كنیكییه‌كان له‌سەر داهاتی زانکۆ دروستکرا 

 زانکۆی پۆلیتەکنیکی سلێمانی لەسەر داهاتی خۆی دوو بینای نوێی بۆ کەمپی کۆلێجەتەکنیکیەکان دروستکرد .

لەسەر ڕاسپاردەی سەرۆکی زانکۆ دوو بینای نوێ بۆ  کتێبخانەی ئەلیکترۆنی  و تۆماری کۆلێجی تەکنیکی ئینفۆرماتیک له‌ كه‌مپی كۆلیجه‌ ته‌كنیكییه‌كانی زانكۆی پۆلیته‌كنیكی سلێمانی تەواوکرا.

بینای کتێبخانەی ئەلیکترۆنی :

لەگەڵ زۆربوونی ژماره‌ی خوێندکاران ساڵ بەساڵ و خوێندنی بابەتی زانستی نوێ لە کۆلێجەکان و فراوانبوونی به‌شه‌ زانستییه‌كان و بەئامانجی زیاتر بەرەوپێشبردنی ئاستی زانستی  مامۆستایان و خوێندکاران، وه‌ بەدەستخستنی بابەتی زانستی گرنگ  لەسەرچاوە زانستیە بەناو بانگەکان، لەسەر ڕاسپارده‌ی سەرۆکی زانکۆ و لەسەر داهاتی زانکۆ کتێبخانەیەکی ئەلیکترۆنی لە کەمپی کۆلێجەتەکنیکیەکان دروستکرا  ، ئەمەش دەبێتە هاوکار و کارئاسانی بۆ مامۆستایان و خوێندکاران تاوەکو بتوانن لەگەڵ بوونی کتێبخانەی پێشوو بۆ توێژینەوە و بابەتەزانستیەکانیان پشت بەم کتێبخانەیەش ببەستن .

*شایەنی باسە  بینای کتێبخانە ئه‌لیكترۆنییه‌کە لەیەک نهۆم پێكدێت، لەسەر رووبەری (200م٢ ) بە دیزاینی گونجاو و سەردەمیانە تەواوکراوه‌، وابڕیارە لەماوەیەکی نزیکدا بەرووی مامۆستایان و خوێنداکاراندا بکرێتەوە.

*بینای نوێی  تۆمار :

بەئامانجی نە‌هێشتنی رۆتینات و قەرەباڵغی و خێرا بەڕێکردنی مامەڵەی خوێندکاران و دەرچوانی زانکۆ بینایەکی نوێ بۆ به‌شی تۆماری کۆلێجی تەکنیکی ئینفۆرماتیک دروستکرا .

بینای تۆمار  پێکهاتووه‌ لە یەک نهۆم لەسەرووبەری( 35م٢)   لەسەر دیزاینێکی نوێ و کوالێتی باش و گونجاو و سەردەمیانە دروستکرا ، کە لەئێستادا تۆماری کۆلێجەکە بەشێوەیەکی زۆرباش ئیش و کارەکانی خۆی تیادا بەرێدەکات .

*هەروەها نوێکردنەوەی باخچە و چیمەنی کۆلێجی تەکنیکی ئینفۆرماتیک

بۆ رەخساندنی کەشێکی تەندروست و گونجاو بۆ خوێندکاران و مامۆستایان تاوەکو بتوانن باشتر پشوەکانیان بەسەربەرن ، بۆ ئەم مەبەستە چیمەن و باخچه‌ی تەنیشت کۆلێجی تەکنیکی ئینفۆرماتیک لەسەر دیزاینێکی نوێ و دووبارە رووپۆشکردنەوەی بە چیمەن و سەوزایی و ناشتنی چەندین داری نوێ و دانانەوەی سیستەمی ئاودێری بەشێوەیەکی زۆرباش و دابینکردنی کورسی دانیشتن بۆ باخچەکە دروستکراوه‌.

شایانی باسه‌ ساڵانە زانکۆی پۆلیتەکنیکی سلێمانی به‌پێی به‌رنامه‌و ئه‌و داهاته‌ی كه‌له‌به‌ر ده‌ستیه‌تی لەسەرداهاتی خۆی چەندین پرۆژه‌ی جۆراوجۆر لە کۆلێج و پەیمانگاکان جێبه‌جێ ده‌كات .