دابینکردنی پێداویستی بەشە ناوخۆییەکانی پەیمانگای تەکنیکی بەکرەجۆ بەردەوامە
لەدرێژەی خزمەتکردنی خوێندکاران و هاوکاریکردنی خوێندکارانی بەشە ناوخۆییەکان و دوای کۆبوونەوەی ئەنجومەنی زانکۆی پۆلیتەکنیکی سلێمانی بەسەرپەرشتی پرۆفیسۆر د.ئالان فەریدەون عەلی ئەمین سەرۆکی زانکۆ، لەسەر ڕاسپاردەو بڕیارەکانی ئەنجومەنی زانکۆ، سەرجەم کار و پێداویستییەکانی بەشی ناوخۆیی کوڕان لەسەر داهاتی زانکۆ جێبەجێکران.
سەرجەم ئەو کار و پێدوایستیانەی کە ئەنجامدراون، بریتین لە:
_ بۆیاغکردن و چاککردنەوەی درز و شکاوی دیواری راڕەوەکان.
_ بۆیاغکردن و چاککردنەوەی کتێبخانەی کوڕان.
_دابینکردنی کۆمباری نوێ بۆ تەواوی ژوورەکان.
_ دابینکردن تەباخ بۆ مەتبەخەکان.
_ گۆرێنی رووناکی سەرجەم ژوور و راڕەوەکان و کتێبخانە.
_ دابینکردنی بەرادی ئاوی گەورە و فلتەری ئاوی ۲۰۰ گاڵۆن .
_ چاککردنەوەی دۆڵاب و دەرگای سەرجەم ژوورەکان.
_چاککردن و دانانەوەی سەرجەم پەردەی ژوورەکان و کتێبخانە.
جێگەی ئاماژەیە لەئێستادا بەشی ناوخۆیی کوڕان، خاوەنی کارەبای 24 کاتژمێری و ئاوی سارد و گەرمی 24 کاتژمێری و بوونی سپلیت بۆ هەموو ژوورەکان، هەروەها کتێبخانە بە تەواوی پێداویستیەکانەوە وە کامێرای چاودێری بۆ تەواوی باڵەخانەکە و هتد…
پەیمانگای تەکنیکی بەکرەجۆ بەردەوام دەبێت لە جێبەجێکردن بڕیارو راسپاردەکانی سەرۆکایەتی و ئەنجومەنی زانکۆی پۆلیتەکنیکی سلێمانی و دوای تەواوبوونی کارەکانی بەشە ناوخۆییەکانی کوران دەست بە کارەکانی بەشە ناوخۆییەکانی کچان دەکرێت.
This shortcode LP Profile only use on the page Profile
