زانکۆی پۆلیتەکنیکی سلێمانی هەمیشە لەنوێبونەوەدایە

لە چوارچێوەی خزمەتکردنی بەردەوامی کۆلێج و پەیمانگاکانی زانکۆی پۆلیتەکنیکی سلێمانی، سەرۆکایەتی زانکۆی پۆلیتەکنکی سلێمانی بەسەرپەرشتی پ. د.ئالان فەرەیدون علی ئەمین پرۆژەی دەروازەی کەمپی کۆلێجەکانی چوارچرا لەقۆناغی نۆژەندکردنەوەدایە.

پرۆژەکە بەدیزاینێکی مۆدێرن و سەردەمیانە لەڕووی ئەندازیارییەوە دروستکراوە و لە قۆناغی تەواو بووندایە. تەواوبوونی ئەم پرۆژەیە سیمایەکی جوان و سەردەمیانە دەبەخشێت بە کەمپەکە.

هەر لە چوارچێوەی خزمەتکردنی خوێندکاران و مامۆستایان و فەرمانبەراندا پرۆژەی بینای کتێبخانەیەکی ئەلیکترۆنی و مۆدێرن لە قۆناغی تەواوبووندایە و وا بڕیارە لەسەرەتای ئەم ساڵی دەستپێکردنی پرۆسەی خوێندن کتێبخانەکە بکرێتەوە، کە خوێندکاران و مامۆستایان دەتوانن بۆ بەدەستهێنانی سەرچاوەی زانیاری بۆ پرۆسەی خوێندن سوودێکی زۆری لێ وەربگرن.