سوپاس و پێزانین بەخشرایە ژمارەیەک خوێندکارانی ئینفۆرماتیک
لەبەرامبەر ماندووبوون و هاوکارییان بۆ خوێندکاران و بەشەکانیان، سوپاس و پێزانین ئاراستەی ژمارەیەک لە خوێندکارانی کۆلێجی تەکنیکی ئینفۆرماتیک لە زانکۆی پۆلیتەکنیکی سلێمانی کرا.
رۆژی یەکشەممە 25 ی تەمموزی 2021 لە مەراسیمێکدا د.ڕووناک محەمەد ڕاگری کۆلێجی تەکنیکی ئینفۆرماتیک بەئامادەبوونی یاریدەدەری راگر و سەرۆکی بەشەزانستییەکان سوپاسی ماندووبوون و کارەجوانەکانی ژمارەیەک لە نوێنەر و خوێندکارانی هەرسێ بەشی ( تەکنەلۆجیای زانیاری، تەکنەلۆجیای داتابەیس، تۆڕەکانی کۆمپیوتەر) کرد کە لەماوەی ڕابردوودا توانیویانە هەماهەنگییەکی باش دروست بکەن لەنێوان بەشەکان و مامۆستایان و خوێندکاران و هەروەها بەشدارییەکی چالاکانە بکەن لە بۆنە و چالاکییە زانستی و هونەرییەکاندا کە لە کۆلێج بەڕێوەچوون.
پاشان لەلایەن ڕاگر و یاریدەدەر و سەرۆکی بەشەزانستی و مامۆستایانەوە سوپاس و پێزانین پێشکەش بە خوێندکاران کرا.
ساڵانە کۆلێجی تەکنیکی ئینفۆرماتیک وەک هاندان و پاڵپشتییەک سوپاس و پێزانین ئاراستەی خوێندکاران دەکات لەبەرامبەر کارەجوان و پرۆژەکانیان کە پێشکەش بە کۆلێج و خوێندکارانی دەکەن.
This shortcode LP Profile only use on the page Profile
