ناوەندی CDC لەگەڵ بەشێک لە خوێندکاران و مامۆستایانی سەرپەرشتیاری پڕۆژەکان کۆدەبێتەوە
لەچوارچێوەی کارو چالاکییەکاندا، رۆژی دووشەممە ٢٠٢١/٧/١٢ لە کەمپسی کۆلێجە تەکنیکییەکانی زانکۆی پۆلیتەکنیکی سلیمانی، بەئامادەبوونی م.نەورۆز مستەفا بەڕێوەبەری ناوەندی گەشەپێدان بۆکار ( CDC )ی زانکۆ و د.عەتا شێخ کەریم ڕاگری کۆلێجی تەکنیکی ئەندازیاری، گفتوگۆکرا لەگەڵ کۆمەڵێک لە خوێندکارانی بەشە جیاجیاکانی تەکنیکی ئەندازیاری و مامۆستایانی سەرپەرشتیاری پرۆژەکانی خوێندکاران، بەمەبەستی نمایشکردنی پڕۆژەکانی (خوێندن – دەرچوون)ی خوێندکاران بۆ بازاڕی کار و کۆمپانیا پەیوەندیدارەکان.
کۆبوونەوەکە بەئامانجی خۆئامادەکردن بوو بۆ چالاکی (design day) کە تایبەتە بە نمایشی بەرهەمی کاری زانستی پڕۆژەکانی خوێندن و دەرچوونی خوێندکاران بەمەبەستی خستنەڕووی بۆ کۆمپانیا پەیوەندیدارەکان و دروستکردنی پردی پەیوەندی لە نێوان کاری خوێندکاران و پێداویستی بازاڕی کاردا.
This shortcode LP Profile only use on the page Profile
