لێكتێگەیشتنێك لە نێوان زانکۆی پۆلیتەکنیکی سلێمانی و نەخۆشخانەكانی بەخشین واژۆكرا

رۆژی یەكشەممە (2021/7/4) لە هۆڵی كۆنفرانسی كەمپی كۆلێجە تەكنیكییەكانی چوارچرا، بە ئامادەبوونی كەناڵەكانی راگەیاندن پرۆتۆكۆلێك لەنێوان كۆلێجی تەكنیكی تەندروستی سەر بە زانكۆی پۆلیتەكنیكی سلێمانی و نەخۆشخانەی بەخشیندا واژۆ كرا بەو مەبەستەی ئەم پرۆتۆكۆلە ببێتە هۆكارێك بۆ پتەوكردن و بەرەو پێشچوونی زیاتری بواری تەندروستی و لێكۆڵینەوەی زانستی لە هەرێمی كوردستاندا. پرۆتۆكۆلەكەش چەند بڕگەیەكی لەخۆدەگرت، ئەوانیش هاوكاریكردنی دەرچووانی بەشە زانستییەكانی كۆلێج تەکنیکی تەندروستی لەرووی رەخساندنی هەلی كار لەنێوان هەردوودا، هەروەها دەست واڵاكردن بۆ خوێندكاران بۆ مەبەستی سوودمەندبوون لە وانە پراكتیكییەكان لەكاتی سەردانكردنیان بۆ نەخۆشخانەی بەخشین و هەڵگرانی باجی كۆلێج لە داشكاندن (Discount)ی نرخ بۆ چارەسەركردن سوودمەند دەبن، لایەنێكی تری پرۆتۆكۆلەكەش بریتی بوو لە ئەنجامدانی كاری هاوبەش بە بەشداریی پێكردنی ستاف و كادیرانی تەندروستی لە ئەنجامدانی توێژینەوەی زانستی و بەهێزكردنی توانا زانستییەكانیان لە رێگەی خولی زانستییەوە وەك ( وۆركشۆپ و سیمینار و كۆنفرانسی زانستی)، هەروەها كۆلێجی تەکنیکی تەندروستیش ئامادەیە لەهاوكاری و كارئاسانیكردن بۆ خوێندنی (سەرەتایی و خوێندنی باڵا) بەپێی رێنماییە بەركارەكانی وەزارەتمان بە لەبەرچاوگرتن و ئاسانكاری لە رێنماییەكانداو هاوكاریكردن و كار ئاسانی لە كردنەوەی خولی زمان و ئەنجامدانی تاقیكردنەوەكانی زمان بۆ ستاف و كارمەندانی نەخۆشخانە. لێكتێگەیشتنەکەش لە رۆژی واژۆكردنیەوە كاری پێدەكرێت و دەچێتە بواری جێبەجێکردنەوە.