وۆرکشۆپێک بۆ هەڵسەنگاندنی زانکۆ لەڕووی رانکی نیشتمانییەوە بەڕێوەچوو
لە سەرۆکایەتی زانکۆی پۆلیتەکنیکی سلێمانی، وۆرکشۆپێک دەربارەی هەڵسەنگاندنی زانکۆ لەڕووی رانکی نیشتمانییەوە بۆ بەڕێوەبەرانی بەڕێوەبەرایەتییەکانی سەرۆکایەتی زانکۆو ژمارەیەک مامۆستا بەڕێوەچوو.
وۆرکشۆپەکە کاتژمێر ١٢ی نیوەڕۆی یەکشەممە ٢٠٢١/٦/٢١ بەئامادەبوونی پ.د.ئالان فەرەیدون عەلی ئەمین سەرۆکی زانکۆو هەردوو یاریدەدەری سەرۆکی زانکۆ بۆ کاروباری زانستی و کارگێڕی و دارایی دەستیپێکرد و لەلایەن م.جەمال کاک برا بە داتاو ئامار ئەو کارو چالاکییانەی زانکۆ خرایەڕوو کە کاریگەرییان لەسەر رانکی زانکۆ هەیە وەک ( چالاكی توێژینه‌وه‌ی زانستی و ده‌رچوواندنی بڵاوكراوه‌و گۆڤاری زانستی و چالاكییه نێوده‌وڵه‌تی و ڕۆشنبیری و وه‌رزشی و هونه‌ری و خزمه‌تی كۆمه‌ڵگا).
پاشان له‌لایه‌ن سه‌رۆكی زانكۆو یاریدەدەرانی سەرۆکی زانکۆ و به‌ڕێوه‌به‌ری به‌ڕێوه‌به‌رایه‌تییه‌كانه‌وه گفتوگۆی پێویست له‌سه‌ر چۆنێتی ئەنجامدانی کارو چالاکی زیاتر کرا لەو ماوەی کە ماوە بۆ بەرزکردنەوەی رانکی نیشتمانی و بەهێزکردنی خاڵە لاوازەکان لە داهاتوودا، هەروەها چه‌ندین پێشنیاری به‌سوود پێشكه‌شكران تا پلانی بۆ دابنرێت و بە بەرنامە کاری لەسەر بکرێت.
This shortcode LP Profile only use on the page Profile
