بڕوانامە بەخشرایە بەشداربووانی خولی فێربوونی بەرنامەی ( SolidWorks)

ڕۆژى جوارشەمه بەروارى 16/6/2021بە ئامادەبوونی پ.ی.د(عطا شێخ کریم) ڕاگری کۆلێژی تەکنیکی ئەندازیاری و م.نەورۆز مصطفی معروف) بەڕێوەبەری سەنتەری گەشەپێدان بۆ کار (CDC)،  کۆتایی هات بە وۆرکشۆپی (solidworks) .

خولەکە لە کەمپی زانکۆی پۆلیتەکنیکی سلێمانی بە چاودێری ڕێخراوی (CDC) بەڕێوەچوو،کە 30 خوێندکار و مامۆستای زانکۆ بەشداربوون ، وە لەلایەن سێ خوێندکاری قوناغی چواری بەشی ئەندازیاری میکانیک وترایەوە.

لە کۆتایی خولەکەدا بڕوانامەی باوەڕپێکراو لەلایەن سەنتەری(CDC) پێشکەش بە بەشداربوانی خول کرا.

لە ماوەی ڕابردودا بە چاودێری (پ. د. ئالان فەرەیدون) سەرۆکی زانکۆو بەهاوکاری و هەماهەنگی ناوەندی گەشەپێدان بۆ کار (CDC) لەگەڵ کۆلیجی تەکنیکی ئەندازیاری، هەرسێ خوێندکاری قۆناغی چوارەمی بەشی ئەندازیاری میکانیکی گشتی /  کۆلیجی ئەندازیاری (هاوبیر عەزیز ، شارەوان عبداللە، ژیر ڕەفیق) خولێکی سەرەتایی بۆ مامۆستایان و خوێندکاران لە کۆلێجی ئەندازیاری کەمپی کۆلێجە تەکنیکییەکانی چوارچرا بۆ بەرنامەی  (SolidWorks) کرایەوە.

شایانی باسە بەشداربووان پێکهاتبوون لەخوێندکاران و مامۆستایانی زانکۆو دەرەوەی زانکۆ، هیوایان خواست ئەم خولانە بەردەوامیان هەبێت و خولی باشتر بۆ ئاستی فێربوونی مامۆستایان و خوێندکاران بکرێتەوە.