بەڕێوەبەری کۆمپانیای هواوی سەردانی زانکۆی پۆلیتەکنیکی سلێمانی دەکات

سەرلەبەیانی ئەمڕۆ، بەڕێوبەری کۆمپانیای نێودەوڵەتی هواوی لە ڕۆژهەڵاتی ناوەڕاست و جەمال شاڵی لێپرسراوی کۆمپانیای ناوبراو لە شاری سلێمانی، سەردانی سەرۆکایەتی زانکۆی پۆلیتەکنیکی سلێمانییان کرد و لەلایەن پ.د.سۆران ئەبوبەکر یاریدەدەری سەرۆکی زانکۆ بۆ کاروباری زانستی و پ.ی.د.عطاء شێخ کەریم ڕاگری کۆلێجی تەکنیکی ئەندازیاری و شیروان حامد بەڕێوەبەری پەیوەندییە نێودەوڵەتییەکانی زانکۆوە پێشوازییان لێکرا. وەفدی میوان بەمەبەستی جێبەجێکردنی یاداشتی لێکتێگەیشتنی نێوان کۆمپانیای هواوی و زانکۆی پۆلیتەکنیکی سلێمانی هاتنە سەرۆکایەتی زانکۆ هەر لەوبارەیەوە کۆبوونەوەیەک لە نێوان هەردوولادا ئەنجامدراو گفتوگۆیان لەسەر یاداشتی لێکتێگەیشتنەکەی نێوانیان کرد، پاشان بەیاوەری یاریدەدەری سەرۆکی زانکۆ بۆ کاروباری زانستی سەردانی ئەکادیمیای تەکنەلۆجیای زانیارییەکانیان لە کەمپسی کۆلێجە تەکنیکییەکانی چوارچرا کرد کە لە چەند ڕۆژی ڕابردوودا لە نێوان زانکۆ و کۆمپانیای هواویدا کرایەوە، هەروەها سەردانی ڕاگرایەتی کۆلێجی ئەندازیاریان کردو بە گرنگییەوە گوێیان لە بیروبۆچوونەکانی زانکۆ و مامۆستایانی تایبەتمەند لە کۆلێجی ئەندازیاری و ئینفۆرماتیک گرت لەپێناو زیاتر هەماهەنگی و بەرەوپێشبردنی کارەکانی ئەکادیمیاکە. شایانی باسە وەفدی ناوبراو زۆر سوپاس و دەستخۆشیان هەبوو بۆ سەرۆکی زانکۆ و هەردوو کۆلێجی ئەندازیاری و ئینفۆرماتیک کە بەشێوەیەکی سەردەمیانە لەم بارودۆخەی قەیرانی دارایی و تەندروستییەدا هەستاون بەئامادەکردنی ئەم پرۆژە ئەکادیمییە گرنگە کە لە ئایندەیەکی نزیکدا دەکەوێتە بواری جێبەجێکردنەوە بۆ خزمەتکردنی مامۆستایان و خوێندکاران و سەرجەم دەرچووانی بواری تەکنەلۆجیای گەیاندن لەسەرتاسەری عێراقدا.