بۆ كۆچی دوایی (پرۆفیسۆر د. کەمال مەزهەر) زانكۆی پۆلیته‌كنیكی سلێمانی پرسەنامەیەک ئاراستەى كه‌سوكارو بنەماڵەكه‌ی ده‌كات

به‌داخ و كه‌سه‌رێكی زۆره‌وه‌ هه‌واڵی كۆچی دوایی مێژوونوسی ناودارو گه‌وره‌ی گه‌له‌كه‌مان (پرۆفیسۆر د. کەمال مەزهەر)مان پێگه‌یشت، له‌ناخه‌وه‌ غه‌مبارین به‌له‌ده‌ستدانی كه‌سایه‌تییه‌ك كه‌لێوان لێوه‌ له‌ دڵسۆزی بۆ خاك و نه‌ته‌وه‌ی كورد، له‌و ته‌مه‌نه‌ی به‌ڕێیكرد خزمەتی به‌ ئەدەب و ڕۆشنبیریی گشتی كردوه‌و نوسینه‌وه‌ی مێژووی گه‌له‌كه‌مان به‌شێوازێكی زانستیانه بوته‌ سومبولی كاره‌كانی.‌ له‌م بۆنه‌ غه‌مناكه‌دا به‌ناوی سه‌رۆك و ئه‌نجومه‌نی زانكۆی پۆلیته‌كنیكی سلێمانی سه‌ره‌خۆشی له‌ خۆمان و بنه‌ماڵه‌و كه‌سوكارو نوسه‌ران و هاوڕێیانی خوالێخۆشبێت ده‌كه‌ین و داواكارین له‌یه‌زدانی مه‌زن ڕۆحی كۆچكردو شادبكات و جێگای به‌هه‌شت بێت. انا للە وانا الیە راجعون به‌ڕێوه‌به‌رایه‌تی ڕاگه‌یاندن و چالاكییه‌كانی زانكۆی پۆلیته‌كنیكی سلێمانی 2021/3/16 پرۆفیسۆر د. کەمال مەزهەر له‌دایكبوی 1937ی پارێزگای كه‌ركوكه‌ ساڵی 1959 به‌شی مێژوی زانكۆی به‌غدادی ته‌واو كردووه‌ له‌ ساڵانی 1963 و 1969 دوو دكتۆرای له‌ روسیا به‌ده‌ستهێناوه‌ چه‌ندین نوسین و كتێبی مێژویی له‌سه‌ر كورد و جیهان به‌ هه‌ردوو زمانی عه‌ره‌بی و كوردی هه‌یه ئەمڕۆ سێشەممە 2021/3/16، پ.د.كه‌مال مه‌زهه‌ر، مێژونوسی كورد له‌ ته‌مه‌نی 84 ساڵیدا و له‌ نه‌خۆشخانه‌یه‌كی ئه‌ڵمانیا كۆچی دواییكرد.