ئاگادارییەک بۆ گشت مامۆستایان و ستاف و خوێندکارانی زانکۆی پۆلیتەکنیکی سلێمانی

بانگەوازێکی کراوە بۆ ٣ هەلی ئاڵوگۆڕ و ڕاهێنان لە ووڵاتی چیک بۆ مامۆستا و ستاف و خوێندکارانی زانکۆی پۆلیتەکنیکی سلێمانی لە چوارچێوەی فەندێکی هاوبەشی پرۆگرامی ئیراسمۆس پلەسی یەکێتی ئەوروپی بۆ ئاڵوگۆڕی زانستی و ڕاهێنانی نێوان زانکۆی پۆلیتەکنیکی سلێمانی و زانکۆی مەساریکی چیکی، گشت مامۆستایان و ستاف و خوێندکارانی زانکۆی پۆلیتەکنیکی سلێمانی ئاگادار ئەکەینەوە لە خولی سێهەمی پێشکەش کردن بۆ ٣ هەلی ئاڵوگۆڕ و ڕاهێنان لە بواری وانە ووتنەوە ( ١) و ڕاهێنانی پیشەیی (١) وڕاهێنانی خوێندکاران (١) لە زانکۆ چیکیەکە بۆ ماوەی (٧ ) ڕۆژ بۆ ستاف و مامۆستا و ماوەی (٥ مانگ/ یەک سمستەر) بۆ خوێندکاران بۆ ساڵی خوێندنی ٢٠٢١-٢٠٢٢. بەپێی ڕوونکردنەوەی وەرگر و ڕێکخەری فەندەکە لە زانکۆی پۆلیتەکنیکی سلێمانی، بەڕێز د. ڕۆژین کەمال محمدامین (بەڕێوەبەری سەنتەری توێژینەوەی کەلەپووری کولتووری دیجیتاڵی)، بۆ پێشکەش کردن پێویستە داواکار لە مامۆستایان و ستافی زانکۆی پۆلیتەکنیکی سلێمانی ئەم بەڵگانەی لای خوارەوە بە زمانی ئینگلیزی پێشکەش بکات بە زانکۆی مەساریک لە ڕێگەی لینکەکەی خوارەوە: – نوسراوی هاندان (کە تیای دا داواکار هۆکاری سەردانکردنی زانکۆ چیکیەکە و ئامانج و دەستکەوتە چاوەڕوانکراوەکانی لە سەردانکردنە ڕوون بکاتەوە) – سی ڤی پێشکەش کار – بەڵگەی توانستی زمانی ئینگلیزی (بەپێی داوای زانکۆی مەساریک کە لەمەرجەکاندا دیاری کراوە) – پلانی ووردی کاری پێشنیارکراوی پێشکەشکار لە زانکۆ چیکیەکە – کۆپیەکی ئەو لاپەڕەیەی پاسپۆرت کە وێنەی داواکاری لەسەرە – نامەی وەرگرتنی پێشوەخت: پێشکەشکار دەبێت نامەی وەرگرتنی پێشوەخت یان داوەتنامەی هەبێت لە ئەو ستاف و بەشانەی زانکۆی مەساریک کە پێشکەشکار ئارەزووی کارکردنی هەیە لەگەڵیاندا کە کاتی پێدەچێت. لە کاتی بوونی پرسیار یان بۆ وەرگرتنی هاوکاری لە دۆزینەوەی ستاف یان بەشی میواندار لە زانکۆ چیکیەکە، پێشکەشکار دەتوانێت ڕاستەوخۆ سی ڤی و پلانی کاری ئامادەکراوی خۆی بنێرێت بۆ لایەنی بەرامبەر لە زانکۆی مەساریك بە ئیمەیڵی hykl@czs.muni.cz بۆ هاوکاری کردنیان لە دۆزینەوەی هاوەڵی گونجاو بۆیان. بۆ خوێندکاران، جگە لەو داواکارییانەی سەرەوە. پێویستە بڕوانامەی نمرەکانی پێشوویان پێشکەش بکەن و کۆرسی خوێندنەکەیان لە کەتەلۆگی زانکۆکەدا لەم لینکەی خوارەوە دیاری بکەن: https://czs.muni.cz/en/student-from-abroad/international-student-guide/course-catalogue بۆ مامۆستایان و ستاف، بۆ و وەرگرتنی زانیاری زیاتر لەسەر پێشکەش کردن تکایە سەردانی ئەم لینکەی خوارەوە بکە: https://czs.muni.cz/en/staff-from-abroad/teaching-at-mu/erasmus-icm بۆ خوێندکاران، بۆ و وەرگرتنی زانیاری زیاتر لەسەر پێشکەش کردن تکایە سەردانی ئەم لینکەی خوارەوە بکە: https://czs.muni.cz/en/student-from-abroad/exchange-non-degree-studies/erasmus-icm پێشکەش کردن لە ڕێگەی پڕکردنەوەی فۆڕمی ئەلیکترۆنی ناو ئەم لینکەی خوارەوە دەبێت: https://isois.ois.muni.cz/en/incoming-application/application/ دوا بەرو9ار بۆ پێشکەش کردن ٣٠/٣/٢٠٢١ ە. تێبینی/ – هیچ مەرجێك بۆ ئاستی بڕوانامەی پێشکەشکار یان پسپۆڕی دانەنراوە.