خوێندکارانی بەشی ئەندازیاری نەوت و وزە گەشتێکی زانستییان ئه‌نجاممدا
به ئامانجی زیاتر فراوانكردنی زانسته‌كه‌یان و بینینی وانه‌ی پراكتیكی ، ڕۆژی 2 ی شوباتی 2021 خوێندکارانی قۆناغی چواری بەشی ئەندازیاری نەوت و وزەی كۆلێجی ته‌كنیكی ئه‌ندازیاری زانكۆی پۆلیته‌كنیكی سلێمانی لە گەشتێکی زانستیدا بە یاوەری (پ. ی. د. عطاء شێخ کریم) ڕاگری کۆلێجی ئەندازیاری سەردانی کۆمپانیای جیهانی (Sprint Oil and Gas service company ) کرد لە شاری هەولێر.
سەردانەکە بە مەستی زیاتر لە نزیکەوە ئاشنابوونی خوێندکارانی بەشی ئەندازیاری نەوت و وزە بوو بە بەشێکی زۆر لەو ئامێرو بەرنامانەی کە لەو بوارەدا کار دەکەن، هەروەها مەبەستێکی دیکەی سەردانەکە خۆئامادەکردن بوو بۆ واژۆکردنی یاداشتێکی لێکتێگەیشتن لەنێوان زانکۆی پۆلیتەکنیکی سلێمانی و کۆمپانیای سپرن.
شايانى باسە هەردوولا لەو بارەیەوە گفتوگۆیان کرد و زانکۆی پۆلیتەکنیکی سلێمانی هیوای خواست بتوانن هاوکاری زانستی لەنێوان هەردوولادا هەبێت بە مەبەستی ئەنجامدانی وۆرکشۆپ و کۆنفرانس و ڕەخساندنی هەلی کار بۆ خوێندکاران.
بڕیاريشدرا ئەم گەشتە زانستیانە بۆ خوێندکارانی قۆناغەکانی دیکە بەردەوامي هەبێت لەپێناو خزمەتکردنی زیاتری ئاستی زانستی خوێندکاران.
This shortcode LP Profile only use on the page Profile
