په‌یامی پیرۆزبایی سه‌رۆكی زانكۆی پۆلیته‌كنیكی سلێمانی بۆ ده‌زگای میدیایی كوردسات
به‌بۆنه‌ی ساڵڕۆژی دامه‌زراندنی ده‌زگای میدیایی كوردسات پ.ی.د. ئالان فه‌ره‌یدون عه‌لی ئه‌مین سه‌رۆكی زانكۆی پۆلیته‌كنیكی سلێمانی په‌یامێكی پیرۆزبایی ئاراسته‌ی به‌ڕێوه‌به‌رایه‌تی ده‌زگاكه كردووه كه ئه‌مه ده‌قه‌كه‌یه‌تی:
بە بۆنەی 20 ساڵه‌ی دامەزراندنی ده‌زگای میدیایی كوردساتەوە گەرمترین پیرۆزبایی خۆمتان ئاراستە دەكەم و هیواخوازم ساڵی تازەی كاركردنتان هەنگاوێكی نوێتر بێت بۆ گەشەپێدان و سەرخستنی ئەركی پیشەیی میدیایی كه لە ڕابردوودا توانیوتانە ڕاستگۆویانە مامەڵە لەگەڵ ڕوداوەكاندا بكه‌ن، دەزگای میدیایی كوردسات چاوەڕێی ئەوەی لێ دەكرێت لەرێی كەناڵە بینراو و بیستراو و خوێنراوەكانییەوە برەو بە گەیاندنی پەیامی رۆژنامەگەریی خۆی بە شێوازێكی پیشەیی بدات هاوشانی پشتیوانییه به‌رده‌وامه‌كانی بۆ په‌روه‌رده‌و خوێندنی باڵاكه به‌خۆشحاڵییه‌وه زانكۆی پۆلیته‌كنیكی سلێمانی ڕێككه‌وتنی زانستیمان بۆ كاری هاوبه‌ش و پرۆژه‌ی هاوبه‌ش واژۆكردوه‌و كاری گه‌وره‌مان پێكه‌وه ئه‌نجام داوه،
ئه‌زمونی كاری 20 ساڵه‌ی ڕابردووتان بۆتە ئاوێنەیەكی ڕاستەقینە بۆ ڕوداوەكان بە پابەندبوونتان بە ئیتیك و كاری ڕۆژنامەگەری كە ئەمەش جێگەی بەرز نرخاندنە. ئه‌ركی سه‌رشانتان بە تایبەتی لەم قۆناغە گرنگەدا كە گەل و وڵاتەكەمانی پێدا تێپەڕ دەبێت و لەبەر دەم چەندین به‌ره‌نگاری نوێداین گرنگ و پڕبایه‌خه.
دوباره ئه‌م یاده له‌خۆمان و ئێوه‌ی ماندونه‌ناس و هاونیشتمانیان پیرۆز ده‌كه‌ین.
پ.ی.د. ئالان فه‌ره‌یدون عه‌لی ئه‌مین سه‌رۆكی زانكۆی پۆلیته‌كنیكی سلێمانی
2020/12/31
This shortcode LP Profile only use on the page Profile
