پ.ی.د.ئالان فەرەیدون عەلی ئەمین سەرۆكی زانكۆی پۆلیتەكنیكی سلێمانی لە لێدوانێكدا بۆ كەناڵی گەلی كوردستان راگەیاند: بڕیاردراوە رۆژی (9/1) مامۆستایان پەیوەندی بە زانكۆ و پەیمانگەكانەوە بكەنەوەو سەرەتای مانگی 10 دەوامی زانكۆ و پەیمانگەكان بۆ ئەمساڵی خوێندن دەستپێبكاتەوە.
هەروەها سەرۆكی زانكۆی پۆلیتەكنیكی سلێمانی ئاماژەی بەوەشكرد: پێشنیاركراوە كە خوێندن بەشێوازی تێكەڵ پەیڕەو بكرێت و بەشێك لە وانە پراكتیكییەكان لە زانكۆكان بخوێندرێت و بەشێكی تری وانەكانیش بەشێوەی ئۆنلاین دەبێت، وتیشی: دەستپێكردنەوەی خوێندنی ساڵی نوێ بەپێی رێكار و رێنماییەكانی وەزارەتی تەندروستی بۆ بەرەنگاربوونەوەی ڤایرۆسی كۆرۆنا دەبێت.
[learn_press_profile]