زانکۆی پۆلیتەکنیکی سلێمانی هۆڵەکانی تاقیکردنەوەی خۆی خستۆتە خزمەت کەرتی پەروەردە
لەپاش داوای وەزارەتی پەروەردە لە وەزارەتی خوێندنی باڵاو توێژینەوەی زانستی بۆ دابینکردنی شوێنی گونجاو بۆ ئەنجامدانی تاقیکردنەوەکانی پۆلی 12 ی ئامادایی و لەو چوارچێوەیەشدا بەڕێوەبەرایەتی پەروەردەی پارێزگای سلێمانی داوای لە سەرۆکایەتی زانکۆی پۆلیتەکنیکی سلێمانی کرد بۆ تەرخانکردنی هۆڵەکانی تاقیکردنەوە.
بەخۆشحاڵییەوە سەرۆکایەتی زانکۆی پۆلیتەکنیکی سلێمانی ڕاستەوخۆ ڕەزامەندی نیشاندا بە دابینکردنی شوێنی تاقیکردنەوە بۆ ژمارەیەکی بەرچاو لەخوێندکارانی پۆلی 12 ی ئامادەیی بە پێی ڕێنماییە تەندروستییەکان و خۆپاراستن لە ڤایرۆسی کۆرۆنا.
لەهۆڵەکانی تاقیکردنەوەدا خزمەتگوزاریی تەواو ئامادەکراوەو خوێندکاران بەشێوازێکی گونجاو تاقیکردنەوەکانیان تیادا ئەنجام دەدەن.
This shortcode LP Profile only use on the page Profile
