توانا زانستی و مرۆیی و ته‌ندروستیه‌كانی گه‌رمیان یه‌كده‌خرین
ئه‌مڕۆ(7 ی نیسان 2020) سه‌رپه‌رشتیاری ئیداره‌ی گه‌رمیان پێشوازیكرد له هەریەكە لە ڕاگری په‌یمانگای ته‌كنیكی كه‌لارو سه‌رۆكی زانكۆی گه‌رمیان و به‌رێوه‌به‌ری گشتی ته‌ندروستی گه‌رمیان، له‌كۆبونه‌وه‌كه‌دا هه‌ماهه‌نگییه‌كانی نێوان زانكۆی گه‌رمیان و په‌یمانگای ته‌كنیكی كه‌لارو ته‌ندروستی گه‌رمیان گفتوگۆیان له‌باره‌وه‌كرا،
به‌رهه‌مهێنانی ماده‌ی vtm كه‌به‌شێكی سه‌ره‌كییه له‌پرۆسه‌ی پشكنینی ڤایرۆسی كۆرۆنا له‌لایه‌ن په‌یمانگای ته‌كینیكی كه‌لاره‌وه به‌رزنرخێنرا، هه‌نگاوه‌كانی ده‌ستبه‌كاربوونی تاقیگه‌ی زانكۆی گه‌رمیان و هه‌ماهه‌نگییه‌كانی به‌ڕێوه‌به‌رایه‌تی گشتی ته‌ندروستی گه‌رمیان و پێكهینانی تیمی هاوبه‌ش و یه‌كخستنی تواناكانی هه‌رسێ لایه‌ن به‌هه‌نگاوێكی گرنگ و پێویست زانرا.
سه‌رپه‌رشتیاری ئیداره‌ی گه‌رمیان ستایشی هه‌وڵی دامه‌زراوه ئه‌كادیمییه‌كانی زانكۆی پۆلیتەكنیكی سلێمانی و زانكۆی گەرمیان و بەڕێوەبەرایەتی تەندروستی گەرمیانی كرد له‌پرۆسه‌ی به‌ره‌نگاربوونه‌وه‌ی ڤایرۆسی كۆرۆنادا.
هەموو لایەك هاوڕابوون لەم قۆناغەدا هەموان وەك یەك تیم كاربكەن بۆ زاڵ بوون بەسەر پەتای كۆرۆنادا.
This shortcode LP Profile only use on the page Profile
