سیمینارێك بەناونیشانی (Virtualized Remote Laboratory Emulation System) بەڕێوەچوو

لەدرێژەی کارو چالاكیەكانی پەیمانگەی زانستی كۆمپیوتەر، پێشنیوەڕۆی ڕۆژی 19 ی شوباتی 2020   لە هۆڵی م.ڕۆستەم عزت لە پەیمانگەی زانستی كۆمپیوتەر بەئامادەبوونی د . ئاراس عمر كریم ڕاگری پەیمانگاو سەرۆکی بەشە زانستیەكان و ژمارەیەك لە مامۆستایانی پەیمانگا سیمینارێک لەلایەن مامۆستا (ڕێبین ڕێبوار حمەامین) بە ناونیشانی (Virtualized Remote Laboratory Emulation System) پێشكەش كرا،

سیمینارەكە تایبەت بوو بە بیرۆکەی دروست کردنی تاقیگەیەکی ئەلکترۆنی ئۆنلاین بە شێوەیەک كە خوێندكاران بتوانن لە ڕێگەی ئینتەرنێتەوە ئەم تاقیگەیە بەکاربهێنن، بەئامانجی پێشكەشكردنی خزمەتی زیاتری ئەكادیمی و زانستی خوێندكاران، لەبەشێكی دیكەی سیمنارەكەدا مامۆستا بەگرنگیەوە چەند شێوازێكی دیكەی دروستكردنی ئەم جۆرە تاقیگەیەی خستەڕوو کە دەکرێت لە داهاتوودا سوودێکی زۆر بگەیەنێت بە هەریەکە لە خوێنکاران و مامۆستایان و توێژەرانی پەیمانگاکە.