پەرتوكی ( كورتەیەك دەربارەی ڤایرۆسی كۆرۆنا) بڵاوكرایەوە
لەدرێژەی هەڵمەتی هۆشیاری و خۆپاریزی لە ڤایرۆسی كۆرۆنا كە بەڕێوەبەرایەتی تەندروستی و سەلامەتی و بەڕێوەبەرایەتی ڕاگەیاندن و چالاكییەكانی سەرۆكایەتی زانكۆی پۆلیتەكنیكی سلێمانی ڕایگەیاندووە، پەرتوكێكی زانستی بەناونیشانی ( كورتەیەك دەربارەی ڤایرۆسی كۆرۆنا) كە لەلایەن گروپی توێژینەوەی بایۆ میدیكەڵی سەنتەری توێژینەوەی زانكۆی پۆلیتەكنیكی سلێمانیەوە ئامادەكراو ەو بڵاوكرایەوە.
پەرتوكەكە زیاتر خۆی لە چەندین بابەتی تایبەت بە ڤایرۆسی كۆرۆنا لەخۆ گرتووە و كە بەشێوازێكی زانستی باس لە پێكهاتەی ڤایرۆسی كۆرۆنا و ڕێگاكانی گواستنەوەو نیشانەكانی توشبون و دەستنیشانكردنی نەخۆشیەكەو چۆنێتی خۆپاراستن و سەلامەتی تاقیگەكان خراوە.
ئەم بەرهەمە لەسەر ئەركی زانكۆی پۆلیتەكنیكی سلێمانی 500 تیراژی لەچاپ دراوە.
شایانی باسە ئەم پەرتوكە گرنگییەكەی لەوەدایە كە پاڵپشتە بە سەرچاوەی زانستی نوێ و زانیارییەكانی تاڕادەیەكی زۆر پشت ڕاست كراونەتەوە تا هاوڵاتیان لەنوسینە نادیارو بێسەرچاوەكان ڕزگاری بێت و لە بواری هۆشیاری تەندروستیدا بەرچاو ڕوون بێت.
This shortcode LP Profile only use on the page Profile
