سیمینارێك لەسەر ڤایرۆسی كۆرۆنا پێشكەشكرا

لەچوارچێوەی هەڵمەتی هۆشیاری لەسەر ڤایرۆسی كۆرۆنا و چۆنێتی خۆپاراستن لێی كە لەلایەن هەردوو بەڕێوەبەرایەتی تەندروستی و سەلامەتی و بەڕێوەبەرایەتی ڕاگەیاندن و چالاكییەكانی زانكۆی پۆلیتەكنیكی سلێمانی ڕاگەیەندراوە ، سەبارەت بەئاشنابوون بە ڤایرۆسی كۆرۆنا و هۆكارەكانی گواستنەوەی و قۆتاغەكانی پەرەسەندنی، سیمینارێك لەلایەن م.سەرمەد سلێمان سەرۆكی بەشی پەرستاری لە پەیمانگای تەكنیكی كەلار/زانكۆی پۆلیتەكنیكی سلێمانی ئەنجامدرا. لە زنجیرە سیمیناری هەفتانەی یەكەی دڵنیایی جۆری سەر بە هۆبەی زانستی پەیمانگای تەكنیكی كەلار رۆژی سێشەممە 2020/1/28 لەلایەن م.سەرمەد سلێمان سەرۆكی بەشی پەرستاری سیمینارێكی گرنگ لەسەر ڤایرۆسی كۆرۆنا پێشكەشكرا كە ژمارەیەك مامۆستا و فەرمانبەرەی پەیمانگاكە ئامادەیبوون، لە سیمینارەكەدا چۆنیەتی توشبوون بە ڤایرۆسی كۆرۆنا و ئەو هۆكارانەی كە دەبنە هۆی گواستنەوەی ڤایرۆسەكە و قۆناغەكانی پەرەسەندن و بڵاوبوونەوەی بۆ ئامادەبووان خرایەڕوو. شایەنی باسە ڤایرۆسی كۆرۆنا یەكێكە لە ڤایرۆسە كوشندەكان كە لەئێستادا چەند وڵاتێكی گرتۆتەوە و بەدەستییەوە دەناڵێنن و ژمارەیەكی زۆر بەهۆیەوە گیانیان لەدەستداوە، ئەنجامدانی ئەو سیمینارە دەستپێشخەرییەكی گرنگە بۆ خۆپاراستن لەهەر ئەگەرێكی بڵاوبوونەوەی ڤایرۆسەكە چونكە زۆر بەخێرایی پەرەی سەندووە و لە چەند وڵاتیكدا بڵاوبۆتەوە، بۆیە زانكۆی پۆلیتەكنیكی سلێمانی بە پێویستی دەزانێت لەرووی زانستییەوە گرنگی تەواوی پێبدرێت و هەموو چین و توێژەكان هۆشیار بكرێنەوە. لەو چوارچێوەیەشدا پەیمانگای تەكنیكی كەلار هەوڵدەدات لە زووترین كاتدا سیمیناری تایبەت لەو بوارە بۆ سەرجەم فەرمانبەران و خوێندكارانی پەیمانگا ئەنجام بدات و تا وەك پەیمانگایەكی زانستی هەموو لایەك لە مەترسییەكانی ئەو ڤایرۆسە هۆشیار بكاتەوە.