زیاتر لە 700 خوێندكاری زانكۆ تاقیكردنەوەی زمانی ئینگلیزیان ئەنجامدا

دوای بەسەركەوتوویی بەڕێوەچوونی كۆرسی زمانی ئینگلیزی فاوندەیشن (EAP) لە وەرزی یەكەمی خوێندكارانی قۆناغی یەكەمی كۆلێجەكانی ئینفۆرماتیك، تەكنیكی كارگێڕی، زانستە پراكتیكییەكانی هەڵەبجە و پەیمانگای تەكنیكی بەكرەجۆ، ڕێكەوتی 2020\1\20-21 تاقیكردنەوەی كۆتایی تیۆری و پراكتیكی بەشێوەی مەركەزی و بەسەرپەرشتی سەنتەری نێودەوڵەتی زمانی ئینگلیزی زانكۆی پۆلیتەكنیكی سلێمانی بەڕێوەچوو. بەمەبەستی لە نزیكەوە ئاگاداربوون لە بەڕێوەچوونی تاقیكردنەوەكان، پ.ی.د.ئالان فەرەیدون عەلی ئەمین سەرۆكی زانكۆی پۆلیتەكنیكی سلێمان سەردانی هۆڵەكانی تاقیكردنەوەكەی كرد لە سەنتەری نێودەوڵەتی زمانی ئینگلیزی كە نزیكەی ۲۰۰ خوێندكار لە هۆڵی ئایەڵسی سەنتەر تاقیكردنەوەیان ئەنجامدەدا. شایەنی باسە خوێندكارانی قۆناغی یەكەمی هەردوو كۆلێجی تەكنیكی كارگێڕی و ئینفۆرماتیك لە سەنتەری نێودەوڵەتی زمانی ئینگلیزی زانكۆ كۆرسی زمانی ئینگلیزی فاوندەیشن (EAP) دەخوێنن بۆ ساڵی خوێندنی ۲۰۱۹-۲۰۲۰.