هەڵەبجە: وەرگرتنەوەی نمرەی خوێندكاران بە ئەلكترۆنی كرا

بەسەرپەرشتی م.دیار كەریم یاریدەدەری راگری پەیمانگای تەكنیكی هەڵەبجە و م.بیلال محەمەد دیزاینەر و پرۆگرامێستی وێب سایتی پەیمانگاكە هەستان بەدروستكردنی وێب سایتێك بۆ كارئاسانی سەرجەم خوێندكارانی پەیمانگاكە و وەرگرتنەوەی نمرەكانیان لە ڕیگەی ئۆنلاینەوە.

بۆ یەكەمجار ساڵی خوێندنی ٢٠١٧ _ ٢٠١٨ وەك تێست تەنها لە بەشی كارگێری كار ئەم پرۆژەیە جێبەجێ كراوەو سەركەوتوو بوو بۆیە بۆ ئەمساڵی خوێندنی ٢٠١٨ _٢٠١٩ لە سەرجەم بەشەكانی پەیمانگادا جێبەجێكرا و خوێنكاران لەرێگەی كۆدی تایبەت بەخۆیانەوە ئەنجام و تانەكانیان وەرگرتەوە، هەروەها پرۆسەی دڵنیایی جۆری (فیدباك ) بۆ ئەمساڵی خوێندن لە ڕێگەی هەمان وێب سایتەوە بەسەركەوتوویی ئەنجامدرا و خوێندكارانیش سوودمەندبوون لەم پرۆژەیە و دڵخۆشن بە سەركەوتنی پرۆژەكە.