دەرئەنجامەكانی تاقیكردنەوەی كۆتایی خولی تەواوكاری زمانی ئینگلیزی رادەگەیەندرێت

دوای ئەوەی تاقیكردنەوەی كۆتایی خولی تەواوكاری زمانی ئینگلیزی لە سێنتەرەكانی زمان بۆ كاندیدانی ماستەر و دكتۆرا و خوازیارانی بەدەستهێنانی نازناوی زانستی بەڕێوەچوو، وابڕیارە ڕۆژی سێشەممە رێكەوتی 2019/3/12 دەرئەنجامەكان رابگەیەندرێت. وەزارەتی خوێندنی باڵا و توێژینەوەی بەهاوكاری رێكخراوی ئیمیدیستی ئەمریكی و سێنتەرەكانی زمان لە زانكۆكان پرۆسەی تاقیكردنەوەكانی كۆتایی خولی تەواوكاری زمانی ئینگلیزی لە سێنتەرەكانی زمانی زانكۆكان بەسەركەوتوویی بەڕێوەبرد، بۆ ئەوەش رۆژی سێشەممە كە دەكاتە ڕێكەوتی 2019/3/12 دەرەنجامی ئاستەكانی (Intermediate – Upper- Intermediate – Pre- Advanced) بۆ كاندیدانی ماستەر و دكتۆرا و خوازیارانی بەدەستهێنانی نازناوی زانستی رادەگەیەندرێت. وەزارەتی خوێندنی باڵا و توێژینەوەی زانستی بەشداربووانی ئاستەكانی دیكەش ئاگادار دەكات، كە لە ئایندەیەكی نزیكدا ئەنجامی ئاستەكانی دیكە بەهەمان شێوە رابگەیەندرێت.