پانێڵی ڕه‌وشی زانكۆكانی هه‌رێمی كوردستان (حكومی و تایبه‌ت) و خاڵه هاوبه‌شه‌كانیان به‌ڕێوه‌چوو
له درێژه‌ی دیداری پێنج زانكۆكه‌ی هه‌رێمی كوردستان (زانكۆی پۆلیتەكنیكی سلێمانی، زانكۆی سلێمانی، زانكۆی راپەڕین، زانكۆی كۆمار، زانكۆی جیهان) كاتژمێر 11.15 خوله‌ك به ناونیشانی (ڕه‌وشی زانكۆكانی هه‌رێمی كوردستان (حكومی و تایبه‌ت) و خاڵه هاوبه‌شه‌كانیان) پانێڵێك بۆ به‌ڕێزان (پ.ی.د.ئالان فەریدون عەلی ئەمین سەرۆكی زانكۆی پۆلیتەكنیكی سلێمانی، پ.ی.د.رەزا حەسەن سەرۆكی زانكۆی سلێمانی، پ.ی.د.موفەق خالید سەرۆكی زانكۆی راپەڕین، د.سەڵاحەدین سەعید سەرۆكی زانكۆی كۆمار و پ.ی.د.ئومێد رەفیق سەرۆكی زانكۆی جیهان) به‌ڕێوه‌چوو.
له پانێڵه‌كه‌دا هه‌ریه‌كه له سه‌رۆك زانكۆكانی به‌شدار هه‌ل و مه‌رج و قۆناغه‌كانی تێپه‌ڕبوونی پرۆسه‌ی خوێندنی باڵایان له‌هه‌رێمی كوردستان شیكرده‌وه‌و هه‌موو ئه‌و هه‌نگاوه ئه‌رێنی و نه‌رێنیانه‌یان باسكرد كه ڕۆژانه ڕوبه‌ڕویان ده‌بێته‌وه ، هه‌موو ئه‌و ده‌ستكه‌وتانه‌یان خسته ڕوو كه مایه‌ی دڵخۆشییه بۆ بواری زانست و پێشكه‌وتن له هه‌رێمی كوردستان سه‌ره‌ڕای هه‌بوونی قه‌یرانی دارایی .
له‌ته‌وه‌رێكی تردا باس له‌و خاڵه هاوبه‌شانه‌كرا كه له‌نێوان زانكۆكاندا هه‌یه‌و له‌توانادا هه‌یه زیاتر په‌ره‌یان پێبدرێت و فراوان بكرێن به‌تایبه‌تی ئه‌و هه‌ماهه‌نگییه زانستییه‌ی له نێوان زانكۆكان و مامۆستایان و خوێندكاران بوونی هه‌یه‌و به‌ستنی هه‌موو كۆنفرانس و سیمینارو سیمپۆزیۆم و چالاكییه زانستییه‌كان ده‌توانرێت به‌شێوازێكی باشتر سوودیان لێوه‌ربگیرێت و تواناكان ئاڵوگۆڕبكرێن و پرۆگرامه‌كانی خوێندن به‌هێزتر بكرێت به‌زانستی هاوچه‌رخ و توێژینه‌وه‌ی هاوبه‌ش له‌سه‌ر كێشه‌و گرفته گشتییه‌كان ئه‌نجام بدرێن له‌لایه‌ن ئه‌و ناوه‌ندو ده‌زگایانه‌ی كه زانكۆكان هه‌یانه.
له‌كۆتایی پانێڵه‌كه‌دا هه‌ریه‌كه له به‌ڕێزان (پ.ی.د.ئالان فەریدون عەلی ئەمین، پ.ی.د.رەزا حەسەن، پ.ی.د.موفەق خالید، د.سەڵاحەدین سەعید و پ.ی.د.ئومێد رەفیق) هیوایان خواست كاری هاوبه‌ش و چالاكی زانستی هاوبه‌ش و ئاڵوگۆڕی تواناو لێهاتوویه‌كانی نێوانیان به‌ره‌و پێش بڕوات له‌پێناو به‌رزكردنه‌وه‌ی ئاستی زانستی و ده‌وڵه‌مه‌ندكردنی خوێندكارانی كوردستان به زانستی سه‌رده‌م و به‌ده‌ستهێنانی بڕوانامه‌ی باڵا له‌سه‌ر ئاستی نێوده‌وڵه‌تی ڕه‌خساندنی هه‌لی كار وه دروستكردنی ژینگه‌یه‌كی له‌بار بۆ ئاسوده‌یی خوێندكار .
ناونیشانی بابه‌ته پێشكه‌شكراوه‌كانی پانێڵه‌كه:
-زانكۆی پۆلیته‌كنیك و بازاڕی كار له‌لایه‌ن پ.ی.د.ئالان فەریدون عەلی ئەمین
-ئه‌زموونی زانكۆی سلێمانی له‌لایه‌ن پ.ی.د.رەزا حەسەن
-ڕۆڵی زانكۆ ئه‌هلییه‌كان له به‌ره‌و پێشبردنی خوێندن له هه‌رێمی كوردستان له‌لایه‌ن پ.ی.د.موفەق خالید
-به نێو ده‌وڵه‌تیكردنی زانكۆ كوردییه‌كان، زانكۆی ڕاپه‌ڕین هه‌وڵه‌كانی پلانی داهاتوو له‌لایه‌ن د.سەڵاحەدین سەعید
-ڕۆڵی وه‌زاره‌تی خوێندنی باڵا له چاودێریكردنی زانكۆ تایبه‌ته‌كاندا له‌لایه‌ن پ.ی.د.ئومێد رەفیق.
له‌كۆتاییدا ئاماده‌بووانی پانێڵه‌كه چه‌ندین پرسیاو تێبینی و ڕاو سه‌رنجی خۆیان ئاراسته‌ی پانێڵێسته‌كان كرد و وه‌ڵام درانه‌وه.
This shortcode LP Profile only use on the page Profile
