سیمینارێك لەبارەی ڕۆڵ و بایەخی فۆتۆ لە گەیاندنی ڕاستییەكاندا پێشكەشكرا
چوارشەممە ٣٠-١-٢٠١٩ لە هۆڵی سیمیناری كەمپی كۆلێجە تەكنیكییەكان، سیمینارێكی تایبەت بە ئەزموونی ژیانی فۆتۆگرافەر فایەق حەمە ساڵح بەڕێوەچوو، بەئامادەبوونی بەڕێز راگری كۆلێجی تەكنیكی كارگێڕی پ.ی.د.حەكیم عوسمان و ژمارەیەكی زۆر لە مامۆستایان.
سیمینارەكە لەلایەن بەشی پەیوەندییە گشتییەكان و بازاڕگەری لە كۆلێجی تەكنیكی كارگێڕی رێكخرابوو، مامۆستا فایەق حەمە ساڵح لە سیمینارەكەدا باسی لە دەستپێكی ئەزمونی ژیانی خۆی لە بواری فۆتۆگرافییەوە كرد ولە بەشێكی دیكەی سیمینارەكەدا گرنگی ڕۆڵی فۆتۆ و بوونی بایەخی گەورەی لە گەیاندنی ڕاستییەكان خرایەڕوو، بەجۆرێك كە هەوڵبدرێت لە ڕێگەی فۆتۆوە ڕاستی چۆنیەتی ڕووداوەكان بگەیەنرێتە لای بینەر،لە كۆتاییدا هیواشی خواست لە زانكۆ و ناوەندە ئەكادیمییەكاندا گرنگی زیاتر بە وانەكانی تایبەت بە فۆتۆ بدرێت و تێیاندا خوێندكاران بە ڕەهەندە جیاوازەكانی ئەو زانستە ئاشنا بكرێن.
@ بەڕێوەبەرایەتی راگەیاندن وچالاكیەكانی زانكۆ.
This shortcode LP Profile only use on the page Profile
