په‌یامی پیرۆزبایی بۆ كردنه‌وه‌ی زانكۆی قه‌یوان
به‌بۆنه‌ی كردنه‌وه‌ی زانكۆی قه‌یوان به‌هاوبه‌شی زانكۆی utm ی مالیزی ، سه‌رۆكایه‌تی زانكۆی پۆلیته‌كنیكی سلێمانی په‌یامێكی پیرۆزبایی ئاراسته‌ی زانكۆی ناوبراو كردوه كه ئه‌مه ده‌قه‌كه‌یه‌تی:
به‌ڕێزان سه‌رۆك و ئه‌نجومه‌نی زانكۆی قه‌یوان و زانكۆی utm مالیزیا ، به‌ناوی سه‌رۆكایه‌تی زانكۆی پۆلیته‌كنیكی سلێمانی پڕ به‌دڵ پیرۆزبایی خۆمانتان پێشكه‌ش ده‌كه‌ین سه‌باره‌ت به كردنه‌وه‌ی زانكۆكه‌تان .
ده‌خوازین هه‌نگاوی باشترو گه‌وره‌تر هه‌ڵبگرن به‌ئاراسته‌ی خزمه‌تكردنی ڕه‌وتی زانست و زانستخوازان له هه‌رێمی كوردستان .
به‌ناوی پ.ی.د. ئالان فه‌ره‌یدون علی ئه‌مین سه‌رۆكی زانكۆی پۆلیته‌كنیكی سلێمانی و سه‌رجه‌م ئه‌ندامانی ئه‌نجومه‌نی زانكۆوه وێڕای خۆشحاڵی خۆمان به كردنه‌وه‌ی زانكۆ نوێیه‌كه‌تان ، هه‌موو پشتیوانییه‌كی خۆمان دوپات ده‌كه‌ینه‌وه بۆ به‌ره‌و پێشبردنی ئاستی زانستی و ئه‌كادیمی زانكۆكه‌تان. وه ده‌ستخۆشی له حكومه‌تی هه‌رێمی كوردستان و وه‌زراتی خوێندنی باڵاو توێژینه‌وه‌ی زانستی ده‌كه‌ین بۆ ئه‌و هه‌نگاوه نوێیه به ئاراسته‌ی پێشخستنی خوێندنی باڵا و خزمه‌تكردنی توێژی خوێندكاران.
هیوادارین په‌یوه‌ندیه زانستی و ئه‌كادیمییه‌كانی هه‌ردوو زانكۆمان به‌ره‌و ئاستێكی زۆر باش بڕوات و ئامانجمان ئاڵوگؤری تواناكانه له‌نێوانماندا.
دوباره پیرۆزباییمان قبوڵ بفه‌رموون.
هه‌رشادو سه‌ركه‌وتوبن
زانكۆی پۆلیته‌كنیكی سلێمانی
12 ی ئابی 2018
# به‌ڕێوه‌به‌رایه‌تی ڕاگه‌یاندن و چالاكییه‌كان
This shortcode LP Profile only use on the page Profile
