تۆماری گشتی

بەڕێوەبەرایەتی تۆماری گشتی یەكێكە لە بەڕێوەبەرایەتیەكانی سەرۆكایەتی زانكۆ ، لە ڕووی پەیكەری كارگێڕیەوە سەر بە یاریدەدەری سەرۆكی زانكۆیە بۆ كاروباری خوێندكاران وە ئەم بەڕێوەبەرایەتیە لە دوو هۆبە پێكهاتووە:

1. هۆبەى تۆماری ئەلکترۆنی و ئاماری خوێندکاران.
2.  هۆبەى بڕوانامەکان.

ئەم بەڕێوەبەرایەتیە ئەركی لێپرسراوێتی (١٢) هۆبەی تۆمار لە (٥) كۆلێژ و (7) پەیمانگە و ئەركی ڕاپەراندنی كاروباری خوێندكارانی خوێندنی بەرایی (بەكالۆریۆس و دبلۆم)ی لە ئەستۆدایە .

کارەکانی بەڕێوەبەرایەتی تۆماری گشتی

• وەرگرتنی خوێندكاران و دەرهێنانی فەرمانی زانكۆیی بە وەرگرتنیان.
•  ئەنجامدانی پڕۆسەكانی گواستنەوەی خوێندن و دابەزین و گۆڕینی شوێن و میوانداری خوێندكاران و دەرهێنانی فەرمانی زانكۆیی بۆیان .
• وەرگرتن و وڵامدانەوەی گشت نوسراوەكانی تایبەت بە خوێندنی بەرایی (بەكالۆریۆس و دبلۆم).
• پشتڕاستكردنی (تصدیق) بڕوانامەكانی بە نمرە و بێ نمرە و پشتگیری دەرچوون لە كۆلێژ و پەیمانگەكانی زانكۆمان دەرچوونە.
• دروستكردنی بڕوانامەی هەڵواسین (شهادە جداریە) بۆ دەرچووانی دبلۆم و بەكالۆریۆس.
• وەرگرتن و وەڵامدانەوەی گشت ئیمەیلەكانی تایبەت بە خوێندكارانی بەكالۆریۆس و دبلۆم.
• سەرپەرشتی كردن و وەرگرتنی خوێندكاران بە سیستەمی خوێندنی پۆلیتەكنیك كە تایبەتە بە دەرچووانی پەیمانگە تەكنیكیەكان.
  سەرپەرشتی كردن و وەرگرتنی خوێندكاران بە سیستەمی خوێندنی پارالێل.
• سەرپەرشتی كردن و وەرگرتنی خوێندكاران بە سیستەمی خوێندنی ئێواران.
• دروست كردنی ئاماری ساڵانە تایبەت بە خوێندكارانی بەكالۆریۆس و دبلۆم.
• ڕێكخستنی پلانی ساڵانەی وەرگرتنی خوێندكاران.
• ئەرشیف كردنی بەراییەكان بە شێوەی ئەلیكترۆنی.
•  هەر کارێکی دیکەى تایبەت بە خوێندنی بەرایی (بەكالۆریۆس و دبلۆم) لە سەرەتای وەرگرتنی خوێندکاران تاوەکو دەرچوونی خوێندکاران.