پەیمانگای تەكنیكی بەكرەجۆ

  • ئاب 27, 2015
  • 332 Views
پەیمانگای تەكنیكی بەكرەجۆ

پەیجی تایبەت بە پەیمانگا

پەیمانگای تەكنیكی كشتوكاڵی سلێمانی لە ساڵی خوێندنی 2007-2008 كە سەر بە دەستەی خوێندنی تەكنیكی بوو لە سلێمانیبە فەرمانی وەزارەتی خوێندنی باڵاو توێژینەوەی زانستی ژمارە 304/ن لە 28/8/2007بریاردرا بە كردنەوەی ،پاشان ناوەكەی گۆردرا بۆ پەیمانگای تەكنیكی كشتوكاڵی بەكرەجۆ.لە ئێستادا ئەم پەیمانگایە پێنج بەش لەخۆدەگرێت، بۆ پێگەیاندی كادری كشتوكاڵی لەپسپۆڕی جیاوازدا وە بەرزكردنەوەی ئاستی فێربوون و توانای زانستی لەبوارە جیاجیاكانی كشتوكاڵدا، بەمەبەستی پێشخستنی كەرتی كشتوكاڵی و زیادكردنی بەرهەم بە جێبەجێكردنی پرۆسەی كشتوكاڵی نوێ‌ بەشێوەیەك كە لەگەڵ رەوشی پێشكەوتنی زانستی سەردەمدا بگونجێت بۆ دابینكردنی ئاسایشی خۆراكی خەڵكی كوردستان.
هەر لەرۆژی دامەزراندنی ئەم پەیمانگایەوە بەهەوڵ و ماندوبوونی مامۆستایان و كارمەندان و بەیارمەتی و پشتگیری سەرۆكایەتی زانكۆی پۆلیتەكنیكی سلێمانی و وەزارەتی خوێندنی باڵا و توێژینەوەی زانستی حكومەتی هەرێمی كوردستان ئەم پەیمانگایە پەرەی بەخۆی داوەو توانیویەتی (12) دۆنم زەوی كشتوكاڵی دابین بكات بۆ جێبەجێكردنی پرۆژەی كشتوكاڵی خوێندكاران و بۆ وانەی پراكتیكی و توێژینەوەی زانستی مامۆستایان.
ئەم پەیمانگایە توانیویەتی لەبواری زانستی و تەكنیكیدا پەرە بەخۆی بدات ئەویش بە دابینكردنی چەندین ئامێر بۆ تاقیگەكان لەم ساڵانەی دوایدا تاقیگەی خۆراك و تاقیگەی خاك كرایەوە
گرنگترین ئامانجەكانی پەیمانگا:
بەرزكردنەوەی ئاستی فێربوون و توانای زانستی و پێگەیاندنی شارەزایانی مامناوەند لەبواری كشتوكاڵی پسپۆری جیاواز لەم بوارەدا.
مۆدێركردنی پرۆسەی بەرهەمهێنانی كشتوكاڵی لەهەرێمی كوردستاندا.ژمارەی خوێندكارانی لە ئەمساڵی خوێندندا بریتیە لە (834)خوێندكاری بەیانیان و (167) خوێندكاری ئێواران ،دەرچووانی پەیمانگا دوای دوو ساڵ خوێندن بڕوانامەی دبلۆمی تەكنیكی كشتوكاڵی پێدەدرێت،

ئامانجەكانی پەیمانگا:
بەرزكردنەوەی ئاستی فێربوون و توانای زانستی و پێگەیاندنی شارەزایانی مامناوەند لەبواری كشتوكاڵی پسپۆری جیاواز لەم بوارەدا.
مۆدێرنكردنی پرۆسەی بەرهەمهێنانی كشتوكاڵی لەهەرێمی كوردستاندا.

ئەنجومەنی پەیمانگا

د.كامل صابر سعید مامۆستا راگری پەیمانگا
م .هاوكار محمد رئوف مامۆستای یاریدەدەر یاریدەدەری راگر
م.عبدول مصگفیحمەڕەش مامۆستای یاریدەدەر سەرۆكی بەشی پاراستنی ڕووەك
م.اكرم محمود سعید مامۆستای یاریدەدەر سەرۆكی بەشی بەربومی پیشەسازی
م.اسماعیل احمد حسن مامۆستای یاریدەدەر سەرۆكی بەشی كشتوكاڵی داپۆشراو
م.جودت احمد بكر مامۆستای یاریدەدەر سەرۆكی بەشی رووەكە جوانەكان
د.شوان محمد صالح مامۆستا سەرۆكی بەشی رێنمایی كشتوكاڵی