وۆرکشۆپێك لەسەر پرۆسەى پێشکەشکردن بۆ خولەکانى ڕێکخراوى مینا ى هۆڵەندى به‌ڕێوه‌چوو

 به‌ ئامانجی به‌هێزكردنی ئاستی توانای زانستی و ئه‌كادیمی مامۆستایان و فه‌رمانبه‌رانی زانكۆی پۆلیته‌كنیكی سلێمانی ، پێش نیوه‌ڕۆی ئه‌مڕۆ 6 ی ئاداری 2017 له‌هۆڵی پیره‌مێردی سه‌رۆكایه‌تی زانكۆی پۆلیته‌كنیكی سلێمانی ۆركشۆپێك سازكرا به‌سه‌رپه‌رشتی مامۆستا (ئاودێر محمد احمد) مامۆستا له‌ كۆلێجی ته‌كنیكی كارگێڕی ،سه‌باره‌ت به‌ پڕۆسه‌ی چۆنیه‌تی پێشكه‌ش كردن و نوسینی

 (Employer Statement) و ڕونكردنه‌وه‌ و زانیاری پێویست ده‌رباره‌ی خوله‌كانی ڕێكخراوی مینا  (MENA) له‌ وڵاتی هۆڵه‌ندا و لە سکولى (Maastricht School of Management) ،

شایانی باسه‌ ژماره‌یه‌ك له‌ مامۆستایان و فه‌رمانبه‌ران كه‌ خوازیارن داخوازی بۆ به‌شداریكردن له‌و كۆرسانه‌ پێشكه‌ش بكه‌ن ئاماده‌بوون.

له‌ لێدوانێكدا بۆ سایتی زانكۆی پۆلیته‌كنیكی سلێمانی مامۆستا ئاودێر محمد احمد ووتی:

ڕێكخراوی مینا یه‌كێكه‌ له‌ ڕێكخراوه‌ جیهانییه‌ به‌ناوبانگه‌كان بۆ زیادكردنی تواناو لێهاتویی فه‌رمانبه‌ران كه‌ له‌ كۆی جیهانه‌وه‌ په‌یوه‌ندی له‌گه‌ڵ ده‌به‌سترێت و كۆی خه‌رجی به‌شداریكردنیش له‌سه‌ر وه‌زاره‌تی ده‌ره‌وه‌ی هۆڵندا ده‌بێت. وه‌ ئاماژه‌ی كرد به‌ ڕۆڵی به‌ڕێوه‌به‌رایه‌تی په‌یوه‌ندییه‌ گشتیه‌كان و ئه‌كادیمیه‌كانی زانكۆی پۆلیته‌كنیكی سلێمانی بۆ دروستكردنی په‌یوه‌ندی به‌رده‌وام به‌ ده‌زگا زانستی و ئه‌كادیمییه‌ باڵاكانه‌وه‌و ووتی هه‌ر له‌و ڕێگایه‌وه‌ توانراوه‌ ڕه‌زامه‌ندی ناردنه‌ ده‌ره‌وه‌ی چه‌ند خوازیارێك وه‌ربگیرێت كه‌ له‌ ڕێگه‌ی پڕكردنه‌وه‌ی فۆرمی (ئۆنلاین)ه‌وه ده‌بێت.‌  

هه‌روه‌ها ئاماژه‌ی به‌وه‌ش كرد چه‌ندین بواری جۆراوجۆر له‌به‌رده‌ستدا ده‌بێت كه‌ خوازیار به‌پێ ی پسپۆری خۆی به‌شداری تیادا بكات و ماوه‌ی كۆرسه‌كه‌ش دوو هه‌فته‌ ده‌خایه‌نێت.

وه ڕایگه‌یاند ئه‌وان تا ئێستا دوو جار چانسی به‌شداربوونیان بۆ ڕه‌خساوه‌و سوودێكی باشیان له‌و كۆرسانه‌ وه‌رگرتووه‌.‌ 

له‌كۆتایی قسه‌كانیدا م. ئاودێر ڕایگه‌یاند كه‌ دوا ده‌رفه‌ت بۆ پێشكه‌شكردن و پڕكردنه‌وه‌ی فۆڕم ڕۆژی 17 ی ئاداری 2017 یه‌.

 

 

بــۆ پـه‌یــوه‌نــدیــكــردن

هه‌رێمى كوردستانى عێراق ,
پارێزگاى سلێمانى ,قڕگه‌,
شه‌قامى ورمێ,گه‌ڕه‌كى ماردین 327,كۆلانى 76 - نزیك به‌نزیخانه‌ى وڵات

009647480190092,3
ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.

ژماره‌ى سه‌ردان
949841
ئەمرۆئەمرۆ91
دوینێدوینێ250
ئەم_هەفتەیەئەم_هەفتەیە1689
ئەم_مانگەئەم_مانگە9138
کۆی_سەردانکۆی_سەردان949841